मेथा 17:5 - ॱलोवा

⁵ पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 17:5 Iomraidhean Croise

मेथा 12:18

“ङी दाम्‍दा ङी श्‍यीप्‍ची, ङी सेम घागीन ङी चेवे देला तो़। ङा ङी थुक्‍ङी खी़ खाला श्‍याक्‍येहीन, धेनी खी़ मीरीक घीरीला, ठीम्‍चो़गी सेटाक झ्‍यीगीलाक।

मेथा 17:6

ङेनेक्‍याई दे घोरती, खुङक्‍या ॱमीच्‍यीकी जीक्‍ती, साला घुक झ्‍येवालाक।

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मारकु 1:11

धेनी नाम्‍खाने सुङकेक च्‍यीक घोरपालाक, “ख्‍यो़ ङी भीजा ढीन्‍चेन हीन। ख्‍यी़मुला ङा ॱमीच्‍यीकी ङ्यामो घा हो़क।”

मारकु 9:7

धेनी ॱरीङ च्‍यीकगी खोङबाक्‍याला तुम्‍दी, होदे साङने केक च्‍यीकगी देरे सुवालाक, “दे ङी से ढीन्‍चेनगो हीन। खी़ काला ङेन श्‍यीक।”

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:35

यापगी सेला झाम्‍पा जेदी, घीरी सेगी क्षाकदु ॱनावालाक।

योहान्‍ना 5:37

धेनी ङाला ॱङाक्‍कीन यापगीराङ ङाला पाङपो जेदालाक। खेक्‍याई खोङबागी सुङकेक नामा माघोर हो़तालाक धेनी खोङबागी कुयीप नामा माज्‍या हो़तालाक।

जेपा 1:9

हो़जो़ सुङा जेदी होदेक्‍याई तेरी धेदाराङ, येशु ॱनाम स्‍योकला खेरा जेपालाक। धेनी खोङबाला ॱरीङबागी काप्‍ती, खोङबा होदेक्‍याई थोङसाने ये जेपालाक।

जेपा 7:37

‘को़न्‍क्षोकगी खेक्‍याई क्षीला, खेक्‍या नाङने ङा च्‍योक्‍रे ॱङो़नस्‍येखेन च्‍यीक दाम्‍गीलाक।’ ॱनेरी ईस्‍राएल्‍पा मीक्‍याला ॱनागीन मीगो मोशेराङ लाक।

एफीसुपा 1:6

धा को़न्‍क्षोकगी शीजेचेनगी थुक्‍जेगी क्षीला, खोङबाला तो़पार स्‍योक घीझ्‍येरी ॱनाना थुक्‍जे दे, खोङबागी चेवे सेगी गोने होराङला फाङमेदु ॱनावालाक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।

ॱङो़न्‍पा 14:14

धेनी ङी तेवी। धेनी ॱरीङबा काउ च्‍यीक धाङ होदेगी खाला मी-भु च्‍योक्‍रे श्‍युक्‍कीन च्‍यीक, ङी ज्‍याजुङ। खोङगी उला सेरगी चो़पेन धाङ खोङगी क्षाकला शोरा ॱनोवा च्‍यीक दुक।