मेथा 17:3 - ॱलोवा

³ धेनी होदे घाङलाराङ, खोङबागी दोङला मोशे धाङ एलीया खोङबामुला कामो़न सुङी श्‍युक्‍कीनगो, खुङ सुमला ज्‍यावालाक।

मेथा 17:3 Iomraidhean Croise

मेथा 17:2

धेनी खुङक्‍याई दोङदु, येशुगी कुयीप ग्‍युरपालाक। खोङबागी श्‍याल ङीमागी हो़ च्‍योक्‍रे स्‍यारपालाक धेनी खोङबागी नाशा हो़ च्‍योक्‍रे काउला ग्‍युरपालाक।

मेथा 17:4

धेनी पेटोगी येशुला श्‍यी़वालाक, “चोवो, हेक्‍या दुरु झ्‍युङगीनगो घायेरे झ्‍युदुक। खेराङगी थुक हो़ना, ङी दुरु श्‍युक्‍जा सुम शोउ, च्‍यीक खेराङला, च्‍यीक मोशेला धेनी च्‍यीक एलीयागी क्षीला।”

मारकु 9:4

होदुरु खुङक्‍याई दोङदु एलीया धाङ मोशे फेप्‍ती, येशुमुला सुङला सुङगीनगो थोवालाक।

लुका 1:17

धेनी आकेक्‍याई सेम, खोरी टुवाक्‍या स्‍योकला ॱलोक्‍ये धाङ खाला मेङेन्‍गीनक्‍याई सेम ढाङपोगी स्‍येरापला ग्‍युरये, धेनी चोवोगी क्षीदु मीमाङक्‍या डाढीक झ्‍यीयेगी क्षीदु, खो ॱङो़नस्‍येखेन एलीयाला हो़गीन थुक्‍ङी धाङ वाङगी गोने चोवोगी एन्‍ला फेप्‍कीलाक।”

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

लुका 24:27

धेनी मोशे धाङ ॱङो़नस्‍येखेन घीरीने गो चुक्‍ती, सुङराप घीरी नाङने, खोङबागी कोरला सुङगीन घीरीगी दो़न्‍दाक, खुङक्‍याला खोङबागी टो जेपालाक।

लुका 24:44

धेनी खोङबागी खुङक्‍याला सुवालाक, “खेक्‍यामुला हो़ती घाङला, ङी ॱनेना लाबक्‍या देराङ लाक। मोशेगी ढीक्‍टा क्षो़ठीम धाङ ॱङो़नस्‍येखेनक्‍याई धेप धाङ सुङगुरला, ङी कोरला ढीक्‍टा लाब घीरी डुप घो़गीलाक।”

लुका 9:33

धेनी होदे मी ॱङीउ खोङबाने घोङपा श्‍युरी फेई घाङला, पेटोगी येशुला श्‍यी़वालाक, “ॱलोपो़न ला, हेक्‍या दुरु झ्‍येरी घा झ्‍युजुङ। धा हेक्‍याई धेजा सुम शोउ। च्‍यीक खोङबाराङला, च्‍यीक मोशे धाङ च्‍यीक एलीयाला।” (खोरी ॱनागीन लाबगो खोला क्षा माझ्‍युवालाक।)

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।