मेथा 15:11 - ॱलोवा

¹¹ मीगी खा नाङदु जुगीनगी, मी देला ॱमेचाङा मेशोवालाक हीना मीगी खाने थो़न्‍गीनगी, मी देला ॱमेचाङा शोवालाक।”

मेथा 15:11 Iomraidhean Croise

मेथा 15:10

येशुगी मीमाङक्‍याला राङचारु भो़री सुवालाक, “ङेन धेनी ॱहाघोरा झ्‍यी,

मेथा 15:12

धेनी ङेनेक्‍या होरी खोङबाला श्‍यी़वालाक, “खेराङगी दे सुङगीनगो फारुसीपाक्‍याई घोरती, खुङक्‍याला फोक्‍कीनगो खेराङगी खेन्‍दा जेदे?”

मारकु 7:15

फीने खोक्‍पा नाङदु जुगीन घीन्‍दागी, मीला ॱमेचाङा शोगीमालाक हीना खोक्‍पा नाङने फीला थो़न्‍गीनक्‍याई मीला ॱमेचाङा शोवालाक।

रोमापा 14:14

ॱङोपो घीया राङगी नाङ ॱमेचाङा मेयोङालाक हीना ॱमेचाङा साम्‍गीनगी क्षीदु, होदेगो ॱमेचाङाराङ हुङालाक ॱनेरी, ङाला स्‍येयेहो़क धेनी चोवो येशुगी नाङ ङा तेन-तेन हो़क।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 14:20

शामागी क्षीदु को़न्‍क्षोकगी लेगाला मेताला ॱमाताङ। ॱङोन्‍ने ॱनाना ॱङोपो घीरी चाङमा लाक हीना राङगी शागीनगी श्‍येम्‍माला भारचे ताङना होदे नोन्‍डु लाक।

१ तीमोथेउ 4:3

देरे मीक्‍याई ॱनामा लेन्‍ये मेतालाक धेनी शामा ॱना रीङगा शाये मेतालाक ॱनेरी ॱनागीलाक। हीना धेपा झ्‍यीगीनक्‍या धाङ धेन्‍पा ॱहाघोकीनक्‍याई काटीन्‍क्षे श्‍यी़री लेन्‍येला, को़न्‍क्षोकगी शामा देक्‍या को़ जेपालाक।

तीतोस 1:15

सेम चाङमा हो़गीनगी क्षीदु घीरी चाङमा हुङालाक हीना सेम ॱमेचाङा हो़गीन धाङ धेपा मीझ्‍यीगीनक्‍याई क्षीदु, घीन्‍दाङ चाङा मेयोङालाक घीझ्‍येरी ॱनाना खुङक्‍याई साम्‍लो धाङ सेमराङ मेढाङा हुङालाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।