मेथा 13:23 - ॱलोवा

²³ हीना सा शाङाला थोरथा साङागो का ङेन्‍दी ॱहाघोरती धेनी ढेबु तेरकीनगो लाक। खोने ढेबु केगीलाक धेनी रीङगाने ग्‍या थाम्‍बा, रीङगाने ढुकच्‍यु धेनी रीङगाने सुमच्‍यु थाम्‍बा झ्‍युङगीलाक।”

मेथा 13:23 Iomraidhean Croise

मेथा 12:33

“ढेबुने स्‍यीङदोङ स्‍येगीन झ्‍येरी, स्‍यीङदोङ शाङा शोना ढेबु घा केगीलाक धेनी स्‍यीङदोङ आ शोना ढेबु आ केगीलाक।

मेथा 13:8

हीना साङा रीङगा सा शाङा खाला थोरपालाक धेनी होदेक्‍या केरी ढेबु छाक्‍ती रीङगाने ग्‍या थाम्‍बा, रीङगाने ढुकच्‍यु थाम्‍बा धेनी रीङगाने सुम्‍चु थाम्‍बा ढु झ्‍युवालाक।

मेथा 3:10

धान्‍दाराङ, दोङबोक्‍याई चावाला तीरी श्‍याक्‍सादुक। धेनी ढेबु शाङपो ॱमेकेगीन, दोङबो घीरी चेदी मेला ॱयुक्‍कीलाक।”

मेथा 3:8

धीक्‍पा पारी सेम ग्‍युरवाला थी़न्‍गीन ढेबु के।

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

मारकु 4:20

धेनी सा शाङपोला तोरता साङागो दे मीक्‍या लाक। खी़ का ङेन्‍दी खेलेन झ्‍यीगीलाक धेनी साङा च्‍यीकने रीङगाने सुमच्‍यु, रीङगाने ढुकच्‍यु धाङ रीङगाने ग्‍या झ्‍येरी ढेबु फेगीलाक।”

लुका 13:9

धेनी लो स्‍याम्‍मागोला ढेबु केना घायेरे लाक। ॱमेकेना खेराङगी देला चेरो जे।’”

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

लुका 8:8

धेनी रीङगा सा शाङाला थोरपालाक धेनी होदेक्‍या छारती ढेबु दाप ग्‍या केवालाक।” दे सुङसारती खोङबागी सुङकेक क्षेला सुवालाक, “आमच्‍योक हो़गीनक्‍याई ङेन्‍दी ॱहाघोरास्‍योक।”

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 8:47

को़न्‍क्षोकगी हीन्‍गीनगी़ को़न्‍क्षोकगी काला ङेन्‍दालाक। खेक्‍याई मेङेन्‍गीनगी दो़न्‍दाकगो, खेक्‍या को़न्‍क्षोकगी मालाक।”

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

२ कोरीन्‍थुपा 9:10

साङा ताप्‍कीनला साङा धाङ शायेला शामा ॱनाङा जेगीन, खोङगी खेक्‍याला ताप्‍येला साङा ॱनाङा जेदी, होदेला फेरु च्‍युक्‍वा जेगीलाक धेनी खीकी ढाङतेनगी लोदोकगो माङा जेगीलाक।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

२ थेसालोनीकेपा 2:10

धाङ थारपा ॱनाङगीन धेन्‍पाला खेमेलेन्‍गीन मेताला डुगीनक्‍याला, लेगा ङेन्‍पा ॱनाछोकगी गो कोरकीन ॱयो़क्‍यु झ्‍यीगीलाक।

ईब्‍रीपा 4:2

घीझ्‍येरी ॱनाना खुङक्‍याला च्‍योक्‍रे, हेक्‍यालाः ताम्‍शाङगो सेटाक झ्‍येवालाक। हीना ङेन्‍गीनक्‍याई धेपागी थोक्‍ने, होदे ताम्‍शाङगो खेमालेम्‍बाला खुङक्‍याला घीया फेन्‍थोक माझ्‍युवालाक।

ईब्‍रीपा 6:7

पेला श्‍याक्‍ना छार क्षु धाब्‍ले-धाब्‍ले थुरी, श्‍यीङबाक्‍याला लोदोक घा तेरकीन साश्‍यीला, को़न्‍क्षोकगी झ्‍यीलाप थोवालाक।

ईब्‍रीपा 8:10

चोवो सुङालाक, होदे ङीमागो स्‍याम्‍ने, ङा ईस्‍राएलगी नाङमीमुला धाम्‍चा दे चुक्‍येहीन। ङा ङारी क्षो़ठीम खुङक्‍याई ॱलोला श्‍याक्‍येहीन, धेनी खुङक्‍याई सेमला ढीक्‍येहीन। ङा खुङक्‍याई को़न्‍क्षोक झ्‍युङयेहीन, धेनी खुङक्‍या ङी मीमाङ झ्‍युङगीलाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।