मेथा 13:11 - ॱलोवा

¹¹ खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

मेथा 13:11 Iomraidhean Croise

मेथा 13:10

धेनी ङेनेक्‍या होरी खोङबाला श्‍यी़वालाक, “खेराङ मीछोकक्‍याला पेक्‍याई थोक्‍ने घीझ्‍येरी सुङाले?”

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 19:11

हीना खोङबागी खुङक्‍याला सुवालाक, “मी घीरीगी दे का दे खेलेन ॱमीथुक्‍कीलाक हीना सी़ क्षीला ॱनाङवालाक, होदेक्‍याई च्‍यीगा खेलेन थुक्‍कीलाक।

मेथा 20:23

खोङबागी खुङक्‍याला सुवालाक, “ङी फोराने खेक्‍याई थुङगीलाक हीना ङी ॱये धाङ ॱयो़नला धेतु च्‍युक्‍कीनगी आङजा ङाला मेक। होदे नी ङी यापगी सी़ क्षीला स्‍यामदुक होदेगी क्षीलाराङ लाक।”

मारकु 10:40

हीना ङी ॱये-ॱयो़नला धेदु च्‍युक्‍कीनगी आङजा ङाला मेक। दे नी सी़ छीला स्‍यामदुक, होदेगी लाक।”

मारकु 4:11

धेनी येशुगी खुङक्‍याला सुवालाक, “को़न्‍क्षोकगी ग्‍याखापगी साङवा, खेक्‍याला ॱनाङ हो़तालाक। हीना फीदागी मीक्‍याला लाब घीरी पेगी थोक्‍ने स्‍येगीलाक,

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

योहान्‍ना 6:65

धेनी खोङबागी सुवालाक, “होझ्‍येरी ‘यापगी ॱमानाङ हो़ना, ङीचारु सुवा हुङ ॱमीथुक्‍कीलाक’ ॱनेरी ङी खेक्‍याला ॱनेवाहीन।”

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 15:51

ङेन्‍दाङ, ङी खेक्‍याला साङवे लाब च्‍यीक ॱनाउ, होराङ घीरी स्‍यीगीमालाक हीना होराङ घीरी थेङ च्‍यीक धाङ ॱमीक चुम झ्‍यीगीन च्‍यीकला, धेनी दुङगी थामे केकला ग्‍युरवा थेप्‍कीलाक। घीझ्‍येरी ॱनाना दुङकेक ग्‍याप्‍कीलाक धेनी स्‍यीम्‍पोक्‍या मेताला मेडोगीन छेला सो़न्‍गीलाक। धेनी होराङ ग्‍युरकीलाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

१ कोरीन्‍थुपा 4:1

मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

१ कोरीन्‍थुपा 4:7

खेक्‍याला मी श्‍येम्‍माने गेक्षे सी़ शो़जो से? खेक्‍याला को़न्‍क्षोकने ॱमाथोप्‍था घी हो़से? धेनी खीकी थोप्‍हो़ना, खेक्‍या घीझ्‍येरी होदे ॱनाङज्‍यीन मेन्‍गीन च्‍योक्‍रे ङोम्‍सो झ्‍यीदाले?

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 5:32

दे नी साङवा क्षे च्‍यीक लाक धेनी दे लाब दे ङा मास्‍यीका धाङ क्षो़छोकला ॱमीक्‍ती ॱनाहीन।

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 3:9

खुङक्‍या धेपागी साङवागोला स्‍येराप शाङपोगी थोक्‍ने, ॱरुङ घोगुलाक।

याकोब 1:5

खेक्‍या नाङने स्‍येराप ॱमेछाङगीन रे हो़ना, काको़न मेजेदा घीरीला फाङमेदु ॱनाङगीन को़न्‍क्षोकला होदेगी श्‍यी़घो, धेनी खोला होदे ॱनाङगीलाक।

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।