मेथा 12:41 - ॱलोवा

⁴¹ ठीम चेगीन ङीमाला, ॱनीनेवे ढोङखेरगी मीक्‍या, दे मीरापमुला लाङगीलाक धेनी होदेला ठीम ताङगीलाक घीझ्‍येरी ॱनाना खुङक्‍याई योनागी क्षो़ला खेलेन्‍दी, राङगी धीक्‍पाक्‍या पारी सेम ग्‍युरपालाक। हीना तो़, दुरु योनाने खाक्‍क्षे च्‍यीक दुक।

मेथा 12:41 Iomraidhean Croise

मेथा 12:39

हीना खोङबागी सुवालाक, “ङेन्‍पा धाङ लोक्‍येम मीरापगी ताक चालालाक हीना खुङक्‍याला ॱङो़नस्‍येखेन योनागी ताक माना, श्‍येम्‍मा ताक घीया ॱमेतेरकीलाक।

मेथा 12:42

ठीम चेगीन ङीमाला ल्‍हो स्‍योकगी स्‍येबा ग्‍याखापगी ग्‍यामु दे मीरापमुला लाङगीलाक धेनी देक्‍याला ठीम ताङगीलाक घीझ्‍येरी ॱनाना मो सोलोमोनगी स्‍येराप ङेन्‍येगी छीला जाम्‍बुलीङगी थाने होवालाक। धा तो़ दुरु, सोलोमोनने खाक्‍क्षे च्‍यीक दुक।”

मेथा 12:45

धेनी होदे सोरी खोरीमुला खोराङने ङेन्‍पा ॱनो़पा श्‍येम्‍मा धी़नला ठीक्‍ती, होदे नाङदु जुरी धेगीलाक। धेनी मी देगी ॱनेछुगो एम्‍माने दुक्‍तु डुगीलाक। होझ्‍येरी दे मीराप ङेन्‍पा देला देरेराङ झ्‍युङगीलाक।”

मेथा 12:6

ङा खेक्‍याला ॱनाहीन, को़न्‍क्षोकगी क्षो़खाङने खाक्‍क्षे च्‍यीक दुरु दुक।

मेथा 16:4

ङेन्‍पा धाङ लोक्‍येमगी मीरापक्‍या ताक चालालाक हीना योनागी ताक माना, श्‍येम्‍मा घीया ॱमेतेरकीलाक।” धेनी खोङबा खुङक्‍याला भोरती, होदेने फेप्‍पालाक।

मेथा 17:17

धेनी येशुगी सुवालाक, “धेपा मीझ्‍यीगीन धाङ ङेन्‍पा मीरापक्‍याओ, ङा खेक्‍यामुला घाजो़ थुक्‍पे धेगुले? ङा खेक्‍याला नाम थुक्‍पे शो़पा झ्‍यीये? खोला ङाचारु ठीक्‍ती स्‍योक।”

मेथा 23:36

ङा खेक्‍याला धेन्‍पाराङ ॱनाहीन, दे घीरीगी छेपा दे मीरापगी खालाराङ भाप्‍कीलाक।

लुका 11:32

धेनी नीनेवेगी मीक्‍या ठीम्‍चो़गी ङीमाला, दे मीरापमुला लाङगीलाक धेनी देक्‍याला ठीम ताङगीलाक घीझ्‍येरी ॱनाना योनागी क्षो़ स्‍येगीनगोला, खुङक्‍याई खोरी धीक्‍पाक्‍या पारी सेम ग्‍युरपालाक हीना दुरु योनाने खाक्‍क्षे च्‍यीक दुक।”

योहान्‍ना 3:31

ताङने फेप्‍कीनगो घीरीने ॱलाना थोवालाक। धेनी साश्‍यीने हीन्‍गीनगो साश्‍यीगीराङ लाक धेनी साश्‍यीगी थोक्‍नेराङ स्‍येलालाक। नाम्‍खे श्‍यीङखामने फेप्‍कीनगो, घीरीने ॱलाना थोवालाक।

योहान्‍ना 4:12

हीकी धाङबी मेमे याकोबगी दे क्षुदोङ दे, हेला ॱनावालाक धेनी खोङबा खोराङ धाङ खोङगी टुवाक्‍या धाङ खुङक्‍याई धी़डोक्‍यागी देनेराङ थुवालाक। धा खोङलाः खेराङ क्षे हीने?”

रोमापा 2:27

धा ली़गी थोक्‍ने पाउ चेगीन ॱरो ॱमीरुङगीन हीन्‍नाः क्षो़ठीमगो ॱरुङगीनक्‍याई, ख्‍ये ढीक्‍टा क्षो़ठीम हो़गीन धाङ पाउ चेगीन ॱरो ॱरुङगीन हीना क्षो़ठीमगो ॱमीचीना, खेक्‍याला ठीम्‍चो़ ताङगीलाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।