मेथा 12:12 - ॱलोवा

¹² लुक च्‍यीकले मी च्‍यीक घाजो़ माङा चाक्षे ले। होझ्‍येरी ङासुगीन ङीमाला, ले शाङपो झ्‍यी छोक्‍कीलाक।”

मेथा 12:12 Iomraidhean Croise

मेथा 10:31

होझ्‍येरी माजीक, खेक्‍या खाङ झीउ माङाक्‍याने रीन्‍थाङ क्षे लाक।

मेथा 6:26

ॱनामगी झ्‍याक्‍याला तो़। देक्‍या साङा ॱमेतावालाक, लोदोक ॱमेङालाक धेनी डुखाङदु ॱमेसालाक, हीना नाम्‍खे श्‍यीङखामदु श्‍युक्‍कीन ख्‍यी़ यापगी, देक्‍याला शामा ॱनाङालाक। खेक्‍या दे झ्‍याक्‍याने ल्‍हाक खाक्‍क्षे माले?

मारकु 3:4

खोङबागी खुङक्‍याला सुवालाक, “ङासुगीन ङीमाला शाङपो झ्‍यीये याङना ङेन्‍पा झ्‍यीये? ॱरोक क्‍योप्‍ये याङना ॱरोक चेये, ठीमला घीन्‍गो थी़न्‍दीओ?” हीना खुङक्‍या खाबा धेपालाक।

लुका 12:24

खोरोकक्‍याला तो़दाङ। देक्‍या श्‍यीङ ताप्‍ये याङना ॱङाये मीझ्‍यीदालाक। धेनी डुखाङ धाङ भाङखाङला मेश्‍यालाक हीना को़न्‍क्षोकगी देक्‍याला शाये ॱनाङालाक। धा खेक्‍या झ्‍याक्‍याने ल्‍हाक ॱमीच्‍यीकी खाक्‍क्षे लाक।

लुका 14:1

ङासुगीन ङीमा च्‍यीकला, येशु फारुसीपाक्‍याई पो़न्‍पो च्‍यीकगी नाङदु डो़नला फेप्‍पालाक। धेनी फारुसीपाक्‍याई खोङबाला ॱमीच्‍यीकी श्‍यीप्‍ता झ्‍येरी, तेरी धेबालाक।

लुका 6:9

धेनी येशुगी होदेक्‍याला सुवालाक, “ङा खेक्‍याला ढीलाहीन, ङासुगीन ङीमाला शाङा झ्‍यीये याङना ङेन्‍पा झ्‍यीये धेनी सोक क्‍योप्‍ये याङना सोक चेयेने, क्षो़ठीमला घीन्‍गो थी़न्‍दाले?”