मेथा 11:5 - ॱलोवा

⁵ श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 11:5 Iomraidhean Croise

मेथा 10:8

नेपाक्‍याला चो़गा झ्‍यी, स्‍यीम्‍बुक्‍याला ॱलोङ, जेनेक्‍याला चाङमा शो़, डेक्‍या तो़न। खेक्‍याला स्‍यी़दी़ला जोरपालाक धेनी श्‍येम्‍मालाः स्‍यी़दी़ला तेर।

मेथा 11:4

येशुगी कालेन ॱनावालाक, “सोङला खेक्‍याई घोरकीन धाङ थोङगीन देक्‍या, योहान्‍नाला स्‍यो़क।

मेथा 12:13

धेनी खोङबागी मी देला सुवालाक, “ख्‍यी़ लाक्‍पा क्‍योङ।” धेनी होदे मीगी़ लाक्‍पा क्‍यावालाक धेनी होदे लाक्‍पा श्‍येम्‍मागो च्‍योक्‍रे थाङा झ्‍युवालाक।

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 9:30

धेनी खुङ ॱङीउगी ॱमीक भेवालाक। धेनी येशुगी खुङ ॱङीउला, “दे लाब दे सुला ॱहामाघोरास्‍योक।” ॱनेरी, खुङ ॱङीउला का स्‍युक्‍क्षे ॱनावालाक।

मारकु 7:37

खुङक्‍या ॱमीच्‍यीकी ॱहालेरी ॱनेवालाक, “खोङबागी घीरी शाङा जेदुक। खोङबागी आमच्‍योक मेघोरकीनला घोरकीन धाङ लाब ताङ ॱमीथुक्‍कीनला ताङ थुप्‍कीन जेदुक।”

मारकु 9:25

येशुगी मीछोकक्‍या रुप्‍ती, खोराङचारु हुङगीनगो शीई घाङला, खोङबागी डे गोला काको़न ॱनावालाक, “ये, लाब ताङ ॱमीथुप्‍कीन धाङ ङेन ॱमीथुप्‍कीन डे ख्‍यो़, खोने थो़न धेनी याङ खी़ नाङदु फुक्‍की माजु, ॱनेरी ङा ख्‍यो़ला का तेराहीन।”

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

योहान्‍ना 10:25

येशुगी खुङक्‍याला लेन ॱनावालाक, “ङी खेक्‍याला स्‍येछा। हीना खेक्‍या ङाला यीच्‍चे मीझ्‍यीदा। ङी यापगी थोक्‍ने ङी झ्‍येजा लेगाक्‍याई ङाला पाङपो झ्‍यीदालाक।

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 2:23

धा खोङबा येरुसालेमदु पेसाकगी धी़छेनला हो़ती घाङला, मी माङक्षेगी खोङबागी क्षाक्‍लेगी ताकक्‍या थोरी खोङबागी छेनला धेपा झ्‍येवालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 9:7

धेनी खोला सुङा जेपालाक, “सोङला, सीलोआमगी जीङुला ठी़।” (सीलोआम ॱनाना “ॱङाक्‍पा” लाक) होझ्‍येरी खो सोरी ठी़वालाक धेनी थोङगीन झ्‍युरी लोक्‍ती होवालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।