मेथा 11:11 - ॱलोवा

¹¹ “ङा खेक्‍याला धेन्‍पाराङ ॱनाहीन, केमीक्‍याला केक्‍या क्‍याई नाङने, ठी़सो़खेन योहान्‍नाने क्षे सु च्‍यीया मेक। हीना नाम्‍खे ग्‍यासीगी नाङला च्‍युङस्‍योक दे, खोने क्षे हीन।

मेथा 11:11 Iomraidhean Croise

मेथा 11:10

देरे ढीक्‍टा दे खी़ कोरला राङ लाक, ‘तो़दाङ, ख्‍यो़ने एन्‍ला, ख्‍यी़ फेप्‍लाम डाढीक झ्‍यीयेला, ङा ङी भाङछेन ख्‍यी़ दोङदु ताङाहीन।’

मेथा 11:12

ठी़सो़खेन योहान्‍नागी धी़चो़ने, धान्‍दा थुक्‍पे नाम्‍खे ग्‍यासीगी दुक्‍पु ङ्याङ हो़तालाक धेनी देला दुक्‍पु ताङगीनक्‍याई रुप्‍ती ठोक्‍पालाक।

मेथा 3:1

लो घाजीङ स्‍याम्‍ला, ठी़सो़ ॱनाङगीन योहान्‍ना युदेया युगी रीतोङला होरी, देरे क्षो़ स्‍येपालाक,

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 5:19

होझ्‍येरी क्षो़ठीमगी ठीम च्‍युङस्‍योकगी नाङने, च्‍यीक च्‍याक्‍ती श्‍येम्‍माक्‍यालाः होदेरे झ्‍यीयेला ॱलाप्‍कीनगो, नाम्‍खे ग्‍यासी नाङदु च्‍युङस्‍योक चीगीलाक। हीना क्षो़ठीमगी का घीरी ॱरुङगीन धाङ श्‍येम्‍माक्‍यालाः होदेरे झ्‍यीयेला ॱलाप्‍कीनगो, नाम्‍खे ग्‍यासीरु क्षे चीगीलाक।

लुका 1:15

घीझ्‍येरी ॱनाना खो चोवो को़न्‍क्षोकगी कुम्‍दीनदु खाक्‍क्षे हुङगीलाक। धेनी खी़ घुन्‍क्षाङ याङना श्‍येम्‍मा क्षाङक्‍या थुङये मेतालाक धेनी खोरी आमागी फोवारु हो़ताराङ, खो धाम्‍पे थुक्‍ङीगी खाङगीलाक।

लुका 7:28

“ङा खेक्‍याला ॱनाहीन केमीक्‍याने, केक्‍या योहान्‍नाला खाक्‍क्षे सुवा मेतालाक हीना को़न्‍क्षोकगी ग्‍यासीला च्‍युङस्‍योकगो खोनेः क्षे लाक।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 1:15

योहान्‍नागी खोङबागी पाङपो झ्‍येरी भो़टाक झ्‍येवालाक, “‘ङी स्‍याम्‍ला फेप्‍कीनगो ङाने खाक्‍क्षे हीन घीझ्‍येरी ॱनाना खोङ ङाने एन्‍ला श्‍युक हो़तालाक’ ॱनेरी ङी ॱनागीनगो खोङबाराङ हीन।”

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

योहान्‍ना 10:41

धेनी मी माङा खोङबाचारु च्‍यारती, खोराङक्‍या घुङदु ॱनेवालाक, “योहान्‍नागी ॱहाङसागीन ताक घीया ॱमातो़न्‍बालाक हीना खोङगी दे मी दी कोरला सुङगीन घीरी धेन्‍पा दुक।”

योहान्‍ना 3:30

खोङबा फे घो़गीलाक हीना ङा डीप घो़गीलाक।”

योहान्‍ना 5:35

योहान्‍ना नी, बारकीन धाङ हो़ स्‍यारकीन मारमे च्‍योक्‍रे हो़तालाक धेनी खेक्‍या युन तुङा च्‍यीगा, खी़ हो़ला ङ्यामो घाये दो़पालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

१ कोरीन्‍थुपा 6:4

होझ्‍येरी देरे ॱङ्योक्‍टाक्‍या खीकी घुङदु हो़ना, होदेक्‍या घीझ्‍येरी क्षो़छोकगी ॱमीचीगीन मीक्‍याई डुङदु ठीम चेयेला खेक्‍या डोवा?

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

२ तीमोथेउ 1:10

धेनी होरी क्‍याम्‍गो़न मास्‍यीका येशुगी फेप्‍सुने थुक्‍जे दे, धान्‍दा ॱङो़न्‍दु जेपालाक। धेनी खोङबागी छीवाला चामे जेदी, ताम्‍शाङगी गोने थामेपे छेसोक धाङ छीवा मेपे छे सावो जेपालाक।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

१ पेटो 1:10

खेक्‍याई क्षीला झ्‍युङये हीन्‍गीन थुक्‍जेगी कोरला ॱङो़नस्‍ये जेगीन ॱङो़नस्‍येखेनक्‍याई, दे थारपागी कोरला ॱमीच्‍यीकी श्‍यीप्‍ता झ्‍येरी चाजो़ झ्‍येवालाक।