मेथा 10:5 - ॱलोवा

⁵ दे च्‍युङङीला येशुगी देरे का ॱनारी झावालाक, “याहुदापा मेन्‍गीन मीरीकक्‍याई घुङला माडो, धेनी सामारीपाक्‍याई युक्‍याला घारुवा माश्‍युक।

मेथा 10:5 Iomraidhean Croise

मेथा 22:3

धेनी क्षाङसाला भो़पा मीक्‍याला भो़रु, खी़ खोरी ॱयोक्‍पोक्‍याला झावालाक हीना खुङक्‍या हुङङी मादो़पालाक।

मेथा 4:15

“जेबुलुन धाङ नाप्‍थालीगी यु, छो डामदु योरदान चाङबुगी ॱहाकीनदु, याहुदापा मेन्‍गीन मीरीकक्‍याई गालील यु,

मारकु 6:7

येशुगी ङेने च्‍युङङीक्‍याला खोराङचारु भो़री, ॱनो़पाक्‍या खाला आङजा ॱनारी, देक्‍याला ॱङी-ॱङी झ्‍येरी झाङयेला गो चुक्‍पालाक।

लुका 10:1

होदे स्‍याम्‍ने, चोवोगी श्‍येम्‍मा मी धी़न्‍चु धो़न्‍ङीला दामा जेपालाक धेनी खुङक्‍याला मी ॱङी-ॱङी झ्‍येरी, खोङबाराङ फेप्‍ये जेगीन ग्‍याजा धाङ यु घीरीला खोङबागी एन्‍ला झावालाक।

लुका 10:33

हीना सामारीपा डुवा च्‍यीक खो हो़जारु ॱलेप्‍पालाक। धेनी खी़ खोला थोरी ॱङीङ झ्‍येवालाक।

लुका 17:16

धेनी येशुगी श्‍यापला क्षाक छारी, खी़ येशुला थुक्‍चीक्षे श्‍यी़वालाक। धा खो सामारीपा च्‍यीक लाक।

लुका 9:1

धा येशुगी ङेने च्‍युङङीला मुला भो़री, खुङक्‍याला डेक्‍या धाङ नाजाक्‍या चो़गा झ्‍यीयेगी नी़थु धाङ आङजा ॱनावालाक।

लुका 9:2

धेनी खोङबागी खुङक्‍याला, को़न्‍क्षोकगी ग्‍यासी सेटाक झ्‍यीये धाङ नेपाक्‍या चो़गा झ्‍यीयेला झावालाक।

योहान्‍ना 17:18

खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

योहान्‍ना 4:20

हीकी धाङबी फामाक्‍याई दे रीदु क्षाक्‍क्षो़पा पुवालाक हीना खेराङक्‍या नी, क्षाक्‍क्षो़पा पुघोये साजागो येरुसालेम लाक सुरी सुङी।”

योहान्‍ना 4:5

धेनी याकोबगी खोरी भु योसेफला तेरता सागी ङ्येरु हो़गीन सीकार ॱनागीन, सामारीयागी ढोङखेर च्‍यीकला खोङबा फेप्‍पालाक।

योहान्‍ना 4:9

सामारीपा केमीगी खोङबाला श्‍यी़वालाक, “खेराङ याहुदापा च्‍यीक झ्‍येरी, ङा सामारीपा केमी च्‍यीकला, घाङगी झ्‍येरी क्षु थुङयेला ॱलाङाले?” (याहुदापाक्‍या सामारीपाक्‍यामुला ढेवा मेश्‍यालाक।)

योहान्‍ना 7:35

धेनी याहुदापा पो़न्‍पोक्‍याई खोराङक्‍या घुङदु देरे ॱनेवालाक, “मी दे होरी ॱङे ॱमीथुप्‍कीन साजा घारु डोये हीन्‍ढी़? गीरीकक्‍या खोक्‍दु थोरती धेता याहुदापाक्‍या घुङदु सोरी, खो गीरीकक्‍याला क्षो़ स्‍येये सामी हो़ता?

योहान्‍ना 8:48

याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 10:45

धेनी पेटोमुला योफाने होवा याहुदापा धेपा-झ्‍यीगीनक्‍या, याहुदापा मेन्‍गीन मीरीकगी मीक्‍यालाः को़न्‍क्षोकगी धाम्‍पे थुक्‍ङीगी ॱनाङज्‍यीन ॱनाङगीनगो थोरी ॱहालेवालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

१ थेसालोनीकेपा 2:16

धेनी मीरीक श्‍येम्‍माक्‍याला थारपे लामगी कोरला स्‍येयेला, देक्‍याई होराङला काक्‍ये थापस्‍यी झ्‍येरी, राङगी धीक्‍पे छेगो साक्‍यी। हीना थाला को़न्‍क्षोकगी थुक्‍ठो़ खुङक्‍या खाला भाप्‍पालाक।