मेथा 10:3 - ॱलोवा

³ फीलीप धाङ बारथोलोमा, थोमा, ठा धुगीन मेथा, आल्‍फायुगी भीजा याकोब, थाएदेआ,

मेथा 10:3 Iomraidhean Croise

मेथा 18:17

याङ खी़ खुङक्‍यालाः मेङेन्‍ना, होदे लाबगो क्षो़छोकला स्‍यो़क। धेनी खी़ क्षो़छोकगी खाला मेङेन्‍ना, खो ख्‍यी़ क्षीला धेपा मीझ्‍यीगीन धाङ ठा धुगीनक्‍या च्‍योक्‍रे झ्‍युङास्‍योक।

मेथा 27:56

खुङक्‍याने मीरीयाम माक्‍दालीनी धेनी याकोब धाङ योसेफगी आमा मीरीयाम धेनी जेबेदीगी भीजाक्‍याई आमा हो़तालाक।

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

मारकु 15:40

भोमो रीङगा थाक्‍रीङाने तेरी धे हो़तालाक। होदेक्‍याने च्‍यीक मीरीयाम माक्‍दालीनी धाङ च्‍यीक याकोब च्‍युङा धाङ योसेफगी आमा मीरीयाम धाङ सालोमे लाक।

मारकु 2:14

येशु फेई घाङला, खोङगी आल्‍फायुगी भीजा लेवीला, ठा दुजा लेखुङदु धेतागो शीक्‍पालाक। धेनी खोला, “ङी स्‍याबाला स्‍योक” सुरी सुवालाक। धेनी खो लारी खोङबागी स्‍याबाला सोवालाक।

मारकु 3:18

धेनी आन्‍डीरीया धाङ फीलीप धाङ बारथोलोमा धाङ मेथा धाङ थोमा धाङ आल्‍फायुगी भीजा याकोब धाङ थाएदेआ धाङ ग्‍याल्‍चेपा ॱनागीन सीमोन

लुका 18:10

“क्षो़खाङदु फारुसीपा च्‍यीक धाङ ठा धुगीन, मी च्‍यीक ॱमो़लाम ग्‍याप्‍तु सोवालाक।

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 18:13

हीना ठा धुगीनगो थाक्‍रीङाने लारी, नाम्‍खा स्‍योकला ॱमीक ताक झ्‍यी ॱमाक्‍थुवा, राङगी ढाङगो दुरी ॱनेवालाक, ‘के को़न्‍क्षोक, ङा धीक्‍चेन च्‍यीकला ॱङीङजे शीक्‍रोनाङ।’”

लुका 19:2

होदुरु जाखाया ॱनागीन मी च्‍यीक हो़तालाक। खो ठा धुगीनगी चोगो लाक धेनी खो ॱमीच्‍यीकी क्षुक्‍पु हो़तालाक।

लुका 5:27

होदे स्‍याम्‍ने येशु फीला फेप्‍ती, लेवी ॱनागीन ठा धुगीन मी च्‍यीकला, खोरी लेगा झ्‍यीजारु धेदी श्‍याक्‍कीनगो शीक्‍पालाक। धेनी येशुगी खोला “ङी स्‍याम्‍ला डोङ।” सुरी सुवालाक।

योहान्‍ना 1:48

नाथानेलगी खोङबाला श्‍यी़वालाक, “खेराङगी ङाला घाङगी झ्‍येरी खेन्‍नो?” येशुगी सुवालाक, “फीलीपगी माभो़ एन्‍लाराङ, ख्‍यो़ला ङी सेयापगी स्‍यीङदोङ होकला धेता थोजुङ।”

योहान्‍ना 11:16

दीदुमोस ॱनागीन थोमागी राङगी रोवा ङेनेक्‍याला ॱनेवालाक, “धा होराङ खोङबामुला स्‍यीयेला डो।”

योहान्‍ना 14:22

युदागी (युदा ईस्‍कारीयोतगो मालाक) श्‍यी़वालाक, “चोवो, खेराङ जीक्‍तेनगी मीक्‍याला मेन्‍दा, हेक्‍याला ॱङो़न्‍दा जेये? दे घाङगी झ्‍येरी झ्‍युङ थुक्‍कीले?”

योहान्‍ना 14:5

थोमागी येशुला श्‍यी़वालाक, “चोवो, हेक्‍याई खेराङ घारु फेप्‍येगो ॱमेस्‍येहो़क। धा लामगो हीकी घाङगी झ्‍येरी स्‍येये?”

योहान्‍ना 14:9

येशुगी खोला सुवालाक, “फीलीप, ङा हुरे रीङा खीकीमुला धेतीया, ख्‍यी़ ङाला ङोमेस्‍येलाले? ङा थोङगीनगी़ यापलाः ज्‍या हो़तालाक। ‘हेक्‍याला याप ॱङो़न्‍दा जे।’ ॱनेरी खेक्‍या घाङगी झ्‍येरी ॱनाथुक्‍वाले?

योहान्‍ना 21:2

सीमोन पेटो धाङ दीदुमोस ॱनागीन, थोमा धाङ गालील युगी कानानीपा नाथानेल धाङ जेबेदीगी भीजा ॱङी धेनी खोङबागी ङेने श्‍येम्‍मा ॱङी झ्‍येरी, खुङ घीरीमुला हो़तालाक।

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 12:17

पेटोगी खुङ घीरीला खाबा धो़क ॱनायेला जुक्‍ते झ्‍येवालाक धेनी चो़न्‍खाङने फीला चोवोगी घाङगी झ्‍येरी तो़न्‍जो ॱनेरी घीरीला स्‍येपालाक। “लाब दे याकोब धाङ पी़नक्‍याला स्‍यो़क।” ॱनेरी खो यु श्‍येम्‍मा च्‍यीकला सोवालाक।

जेपा 15:13

खुङक्‍याई लाब तासारती याकोबगी ॱनेवालाक, “पी़नक्‍याओ, ङी लाब ङेन आ!

जेपा 21:18

ॱङेटोगो पाउलुगी हेक्‍याला याकोबचारु ठीक्‍ती लाजुङ। याकोबगी नाङला क्षो़छोकगी गोठी घीरी जोम्‍दी धेदुक।

गालातीयापा 1:19

हीना चोवोगी नो याकोबला माना, श्‍येम्‍मा कुछापक्‍याने सुला ङी ॱमाथो।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,