मेथा 10:23 - ॱलोवा

²³ ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 10:23 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 2:13

कारचीपाक्‍या सोसारती, चोवो को़न्‍क्षोकगी भाङछेन च्‍यीक योसेफगी ॱमीक्‍लामला ॱङो़न्‍दी सुवालाक, “ग्‍यावु हेरोदेगी टु दे सेयेला चाये झ्‍यीदी, होझ्‍येरी लारी टु दे धाङ खोङबागी युमला ठीक्‍ती, एजेप युदु डो़ धेनी ङी ख्‍यो़ला ॱमेनागीन थुक्‍पे होदुरुराङ धो़क।”

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

मेथा 23:36

ङा खेक्‍याला धेन्‍पाराङ ॱनाहीन, दे घीरीगी छेपा दे मीरापगी खालाराङ भाप्‍कीलाक।

मेथा 24:27

घीझ्‍येरी ॱनाना स्‍यारने ॱलोक्‍मार भारती, नुप स्‍योकला ख्‍युक्‍कीन च्‍योक्‍रे, मी-भु हुङगीनगोवा देरे च्‍योक्‍रे झ्‍युङगीलाक।

मेथा 24:30

“धेनी नाम्‍खारु मी-भुगी ताकगो झ्‍युङगीलाक धेनी जीक्‍तेनगी मीरीक घीरी ङ्याङेन झ्‍यीगीलाक धेनी मी-भु वाङ धाङ शीजेगी थोक्‍ने ॱरीङगी खाला फेप्‍गीनगो थोङगीलाक।

मेथा 24:34

ङा खेक्‍याला धेन्‍पाराङ ॱनाहीन, दे घीरी माझ्‍युङगीन थुक्‍पे दे मीराप दे येगीमालाक।

मेथा 24:48

हीना ॱयोक्‍पो ङेन्‍पागी़ खोरी दाक्‍पो गोरा ॱलेप्‍टु साम्‍दी,

मेथा 25:13

धेनी येशुगी सुवालाक, “खेक्‍याला ङा हुङयेगी ङीमा धाङ धी़चो़गो स्‍येये मेगीन झ्‍येरी च्‍याङजे धो़क।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 4:12

धेनी योहान्‍ना आटाला दाक्‍दुक ॱनेरी सेन्‍दी, येशु गालीलदु फेप्‍पालाक।

मारकु 13:26

धेनी मी-भु ॱरीङगी खोकला ॱमीच्‍यीकी क्षे वाङ धाङ शीजेला फेप्‍कीनगो थोङगीलाक।

लुका 18:8

ङा खेक्‍याला ॱनाहीन, खोङबागी खुङक्‍याई ठीम ग्‍योक्‍जे चे जेगीलाक। घीहीन्‍ना मी-भु फेई घाङला, दे जाम्‍बुलीङदु धेपा-झ्‍यीगीनक्‍या ॱङेटी़?”

लुका 21:27

धेनी खुङक्‍याई ॱरीङगी खाला मी-भु, वाङ धाङ शीजेक्षेगी थोक्‍ने फेप्‍कीनगो ज्‍यागीलाक।

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

जेपा 17:10

छेन्‍मु झ्‍युङलुङ मेताला धेपा-झ्‍यीगीन पी़नक्‍याई, पाउलु धाङ सीलवानुला बेरोया ग्‍याजारु झावालाक। धेनी खुङक्‍या होदुरु ॱलेप्‍ती, याहुदापाक्‍याई छोक्‍खाङ नाङदु सोवालाक।

जेपा 17:14

धेनी धेपा-झ्‍यीगीनक्‍याई पाउलुला उक्‍कुरा ग्‍याछो स्‍योकला झावालाक। हीना सीलवानु धाङ तीमोथेउगो होदुरुराङ धेपालाक।

जेपा 20:1

होदे फेरा घीरी तीङचोई झ्‍युसारती, पाउलुगी धेपा-झ्‍यीगीनक्‍याला मुला रुप्‍ती, खुङक्‍याला सेमस्‍युक पारकीन लाब स्‍येपालाक। धेनी घोङपा श्‍यी़री माकेडोनीया स्‍योकला सोवालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।