मेथा 10:2 - ॱलोवा

² कुछाप च्‍युङङीगी मीङ देक्‍या लाक, धाङपोगो सीमोन ॱनागीन पेटो धेनी खी़ नो आन्‍डीरीया, जेबेदीगी भीजा याकोब धाङ खी़ नो योहान्‍ना,

मेथा 10:2 Iomraidhean Croise

मेथा 17:1

श्‍याक्‍मो ढुकगी स्‍याम्‍ला, येशुगी पेटो धाङ याकोब धाङ खी़ नो योहान्‍नाला च्‍यीगा ठीक्‍ती, री थोवा च्‍यीक गाङला फेप्‍पालाक।

मेथा 20:20

धेनी जेबेदीगी भीजाक्‍याई आमागो, खोरी भीजाक्‍यामुला येशु डुङदु श्‍योवा च्‍यीक पुयेला पी़मु साला चुक्‍ती धेपालाक।

मेथा 26:37

खोङबागी पेटो धाङ जेबेदीगी भीजा ॱङीउ राङगीमुला ठीया जेपालाक। धेनी खोङबा ॱमीच्‍यीकी थुक क्‍योवा जेदी, दुङागी खावालाक।

मेथा 4:18

धेनी येशु गालीलगी छो डामने फेई घाङला, सीमोन ॱनागीन पेटो धाङ खी़ नो आन्‍डीरीया ॱनागीन, ङ्यापा ॱङीगी छो नाङदु ङ्यारे ॱयुक्‍कीनगो शीक्‍पालाक।

मेथा 4:21

धेनी येशु होदेने ॱहाला फेई घाङला, श्‍येम्‍मा पी़न ॱङी जेबेदीगी भीजा याकोब धाङ खी़ नो योहान्‍ना, खोरी आकी जेबेदीमुला डु नाङदु ङ्यारेक्‍या शोचे ग्‍याई धेगीनगो शीक्‍पालाक। धेनी खोङबागी खुङ ॱङीउला भो़वालाक।

मारकु 1:29

धा येशु लाम्‍साङ छोक्‍खाङने थो़न्‍दी, याकोब धाङ योहान्‍नामुला सीमोन धाङ आन्‍डीरीयागी खाङबारु फेप्‍पालाक।

मारकु 13:3

येशु क्षो़खाङगी दोङला हो़गीन, क्‍युरुस्‍यीङगी रीला श्‍युक हो़तालाक। धेनी पेटो, याकोब धाङ योहान्‍नागी खोङबाला शुरला खाबा श्‍यी़वालाक,

मारकु 6:30

कुछापक्‍या येशुचारु लोक्‍पालाक धेनी खोराङक्‍याई घी झ्‍यीगीन धाङ ॱलाप्‍कीन घीरी, खोङबाला स्‍येपालाक।

लुका 11:49

होझ्‍येरी को़न्‍क्षोकगी स्‍येरापगीयाः सुवालाक, ‘ङा खुङक्‍याचारु ॱङो़नस्‍येखेनक्‍या धाङ कुछापक्‍या झाङाहीन। खुङक्‍याने रीङगाला सेगीलाक धेनी रीङगाला दुक्‍पु तेरकीलाक।’

लुका 22:14

धेनी धी़चो़ झ्‍युङी घाङला, येशु ङेने च्‍युङङीक्‍याई मुला श्‍येलाक श्‍येयेला श्‍युक्‍पालाक।

लुका 22:8

होझ्‍येरी येशुगी पेटो धाङ योहान्‍नाला देरे सुरी झावालाक, “सोरी होराङगी क्षीला पेसाकगी धी़छेनगी शाग्‍यु डाढीक झ्‍यी।”

लुका 5:10

देरे झ्‍येरीराङ सीमोनगी लेरोक जेबेदीगी भीजा याकोब धाङ योहान्‍ना ॱहालेवालाक। धेनी येशुगी सीमोनला सुवालाक, “ख्‍यो़ माजीक। धा देने ॱहाला ख्‍यो़ मीक्‍याई ङ्यापा झ्‍युङगीलाक।”

लुका 9:10

धेनी कुछापक्‍या लोक्‍ती होरी, खोराङक्‍याई झ्‍येजा लेगा घीरी येशुला स्‍येपालाक। धेनी खोङबागी खुङक्‍याला ठीक्‍ती, बेथसेदा ॱनागीन ग्‍याजारु खाबा फेप्‍पालाक।

योहान्‍ना 12:22

फीलीप सोरी आन्‍डीरीयाला स्‍येपालाक धेनी आन्‍डीरीया फीलीपमुला सोरी येशुला श्‍यी़वालाक।

योहान्‍ना 13:23

येशुगी झाम्‍पा झ्‍यीगीन ङेनेगो, खोङबागी कुडामदु ॱङेरी धे हो़तालाक।

योहान्‍ना 20:2

होझ्‍येरी मो सीमोन पेटो धाङ येशुगी चेवा जेगीन, ङेने श्‍येम्‍मागो चारु भाङ तारी सोरी, खुङ ॱङीउला ॱनेवालाक, “खुङक्‍याई चोवोला धी़ठोने खेरदुक धेनी खुङक्‍याई खोङबाला घारु श्‍याक हो़गीनगो, होराङला स्‍येये मेतालाक।”

योहान्‍ना 21:2

सीमोन पेटो धाङ दीदुमोस ॱनागीन, थोमा धाङ गालील युगी कानानीपा नाथानेल धाङ जेबेदीगी भीजा ॱङी धेनी खोङबागी ङेने श्‍येम्‍मा ॱङी झ्‍येरी, खुङ घीरीमुला हो़तालाक।

योहान्‍ना 21:20

पेटोगी खा ॱलोक्‍ती येशुगी झाम्‍पा जेगीन ङेनेगो, खुङक्‍याई स्‍याबाला हुङगीनगो थोवालाक। थामे श्‍येलाकला येशुगी डामला ॱङेरी धेती खोङबाला, “चोवो, खेराङला डागी लाक्‍पाला ची ग्‍याप्‍ये झ्‍यीगीनगो सुले?” ॱनेरी ढीगीन ङेनेगो खो राङ लाक।

योहान्‍ना 21:24

दो़न देक्‍याला पाङपो झ्‍यीगीन धाङ यीक देक्‍या ढीक्‍कीन ङेनेगो खो राङ लाक। धेनी खी़ पाङपो झ्‍यीगीनगो धेन्‍पा लाक ॱनेरी हेक्‍याला स्‍येयेहो़क।

योहान्‍ना 6:67

होझ्‍येरी येशुगी ङेने च्‍युङङीला सुवालाक, “खेक्‍याः ङाला पारी डोये हीने?”

योहान्‍ना 6:70

येशुगी खुङक्‍याला कालेनदु सुवालाक, “खे च्‍युङङी घीरीला ङी दाम्‍बा माले? हीना खेक्‍याने च्‍यीक धी़क लाक।”

योहान्‍ना 6:71

खोङबागी सीमोन ईस्‍कारीयोतगी भीजा युदाला ॱमीक्‍ती सुवालाक। घीझ्‍येरी ॱनाना खो ङेने च्‍युङङीगोने च्‍यीक झ्‍येरीया, खोङबाला ङोलोक झ्‍यीगीलाक।

योहान्‍ना 6:8

खोङबागी ङेनेक्‍याने सीमोन पेटोगी नो, आन्‍डीरीयागी श्‍यी़वालाक,

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

जेपा 1:26

होदे स्‍याम्‍ने, खुङक्‍याई खुङ ॱङीउगी मीङला गेन ग्‍याप्‍पालाक। गेनगो मेथीयागी मीङला थोप्‍पालाक। होझ्‍येरी मेथीयागो, कुछाप च्‍युक च्‍यीकक्‍यामुला दोम्‍बालाक।

जेपा 12:2

योहान्‍नागी नो याकोबला खी़ ढीगी सेदु च्‍युक्‍पालाक।

जेपा 3:1

ङीमा च्‍यीक पेटो धाङ योहान्‍ना घोमो छुची सुबा चो़ला, क्षो़खाङदु सोवा ग्‍याप्‍तु डी़ हो़तालाक। दे सोवा ग्‍याप्‍कीनगी धी़चो़ लाक।

१ कोरीन्‍थुपा 15:7

धेनी खोङ याकोब धाङ धेनी कुछाप घीरीमुला ॱङो़न जेपालाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

१ पेटो 1:1

येशु मास्‍यीकागी कुछाप, ङा पेटो, खे पोन्‍तु धाङ गालातीया धाङ कापादोकीया धाङ एशीया धाङ बीथानीयादु थोरती धेताक्‍याला, दे यीक दे ढीयाहीन।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ योहान्‍ना 1:1

ङा गेम्‍पाने, को़न्‍क्षोकगी दामा जेजा भोमो धाङ मी़ टुवाक्‍याला, यीक दे ढीयाहीन। खेक्‍याला ङी ॱङोन्‍नेगी चेवा झ्‍यीदीहो़क धेनी ङा च्‍यीगा मेन्‍दा, हीना धेन्‍पा ङोस्‍येगीन घीरीगीया खेक्‍याला चेवा झ्‍यीदालाक।

३ योहान्‍ना 1:1

ङी ॱङोन्‍नेगी चेवा झ्‍येजा, ङी चेवे रोवा गायुला, ङा गेम्‍पाने यीक दे ढीयाहीन।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”

ॱङो़न्‍पा 22:8

दे लाब घीरी घोरकीन धाङ थोङगीन, ङा योहान्‍ना हीन। धेनी ङी दे लाबक्‍या घोरती थोसारती, ङाला दे घीरी तो़न्‍गीन नाम्‍खे भाङछेनगी श्‍यापला, ङा क्षाक छायेला घुक झ्‍येवी।