मेथा 1:23 - ॱलोवा

²³ “तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

मेथा 1:23 Iomraidhean Croise

मेथा 1:24

धेनी योसेफ ॱङी सेदी स्‍याम्‍ला, खी़ चोवो को़न्‍क्षोकगी भाङछेनगी का सुङगीन च्‍योक्‍रे झ्‍येवालाक। धेनी मीरीयाममुला ॱनामा लेन्‍बालाक।

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

लुका 20:44

“धा दावीदगी मास्‍यीकाला ‘चोवो’ ॱनेरी श्‍यी़ना, मास्‍यीका खी़ से घाङगी झ्‍येरी झ्‍युवाले?”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

जेपा 18:9

छेन्‍मो च्‍यीक चोवोगी पाउलुला थोङनाङ च्‍यीकला सुवालाक, “माजीक धेनी खाबा माधेक। धेनी ताम्‍शाङ दे मीक्‍याला स्‍येदी सोङ।

रोमापा 8:31

धा ॱहाना होराङ दो़न देक्‍याई कोरला घी ॱनाये? को़न्‍क्षोक होरी छोकला हो़ना, सु होरी ग्‍यापला लाङ थुक्‍कीलाक से?

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।