मेथा 1:21 - ॱलोवा

²¹ मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

मेथा 1:21 Iomraidhean Croise

मेथा 1:25

हीना मोने से ॱमाठुङगीन थुक्‍पे, खो मी़मुला माढेवालाक। धेनी खी़ सेगी़ छेनला येशु ताक्‍पालाक।

लुका 1:13

हीना नाम्‍खे भाङछेनगी खोला सुवालाक, “जेकारीयास, माजीक घीझ्‍येरी ॱनाना को़न्‍क्षोकगी ख्‍यी़ सोवा श्‍यी़गीनगो सेन्‍दुक। धा ख्‍यी़ केमी एलीसाबेतगी, ख्‍यी़ क्षीला भीजा च्‍यीक केगुलाक धेनी ख्‍यी़ होदेगी मीङ योहान्‍ना तोक।

लुका 1:31

धा ङेन, ख्‍यी़ फोवाला टु झ्‍युरी ख्‍यो़ला से च्‍यीक ठुङगीलाक धेनी ख्‍यी़ होदे सेगी छेन येशु ताक्‍कीलाक।

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

लुका 2:21

टु केगीनगी श्‍याक्‍मो ग्‍येगोला, पाउ चेगीन ॱरोगो डुप्‍ती टुगी छेनला येशु ॱनेरी ताक्‍पालाक। दे छेनगो नाम्‍खे भाङछेनगी एन्‍दुरु मीरीयामगी फोवाला टु क्षाई घाङला ॱनावालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

जेपा 13:23

खोङबागी जेजा धाम्‍चा डुप्‍ती, को़न्‍क्षोकगी ईस्‍राएल्‍पाक्‍याई क्षीला ग्‍यावु दावीदगी ग्‍युपाने राङ क्‍योप्‍खेन च्‍यीक झाङा जेसुङ। खोङबा नी येशु लाक।

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”