मेथा 1:1 - ॱलोवा

¹ आब्‍राहामगी ग्‍युपा, ग्‍यावु दावीदगी ग्‍युपा, येशु मास्‍यीकागी दुङग्‍यु नी,

मेथा 1:1 Iomraidhean Croise

मेथा 1:18

येशु मास्‍यीका ठुङगीनगी कोर नी, देरे हो़तालाक। खोङबागी युम मीरीयाम योसेफमुला ॱलोङछाङ तासारती, खुङ ॱङीउ ॱमाछाम्‍गीन एन्‍लाराङ, धाम्‍पे थुक्‍ङीगी थोक्‍ने मीरीयामगी फोवाला टु क्षाक्‍कीनगो क्षा झ्‍युवालाक।

मेथा 1:2

आब्‍राहाम नी ईसाकगी आकी, ईसाक नी याकोबगी आकी धेनी याकोब नी याहुदा धाङ खी़ पी़नक्‍याई आकी,

मेथा 15:22

होदे साजागी कानानीपा केमी च्‍यीक खोङबागी डुङदु होरी, केक क्षे ग्‍याप्‍ती श्‍यी़वालाक, “के चोवो ला, दावीदगी से, ङाला ॱङीङजे जेरोनाङ। ङी भोमो डेगी शीम्‍दी ॱमीच्‍यीकी दुक्‍वा झ्‍युरी धेदुक।”

मेथा 3:16

येशु ठी़सो़ श्‍येसारती, लाम्‍साङ खोङबा क्षुने याला श्‍याङी घाङला, नाम्‍खा बेरी, को़न्‍क्षोकगी थुक्‍ङी फुक्‍रो़नगी स्‍यीकाला भाप्‍कीन धाङ खोङबा थोकला श्‍युक्‍कीनगो शीक्‍पालाक।

मेथा 9:27

धा येशु होदेने फेई घाङला, मी श्‍यारा ॱङी खोङबागी स्‍याबाला डारी, केक ग्‍याप्‍ती श्‍यी़वालाक, “दावीदगी से, हेक्‍याला ॱङीङजे शीक्‍रोनाङ।”

लुका 1:33

खोङबा याकोबगी ग्‍युपा खाला धी़ ग्‍युन्‍दु वाङग्‍युर झ्‍यीगीलाक धेनी खोङबागी ग्‍यासीगी था नामा झ्‍युङगीमालाक।”

योहान्‍ना 7:42

मास्‍यीका नी, ग्‍यावु दावीदगी दुङग्‍युने धेनी दावीदगी फायु बेथलेहेमने फेप्‍कुलाक ॱनेरी, सुङरापगी नाङ ढीक हो़तामाले?”

जेपा 2:30

हीना दावीद ॱङो़नस्‍येखेन लाक धेनी खोङगी ग्‍युपाक्‍याने च्‍यीक, खोङगी श्‍युक्‍ठीला श्‍युक्‍कुलाक ॱनेरी, को़न्‍क्षोकगी जेजा धाम्‍चागो खोङला स्‍येये हो़तालाक।

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

गालातीयापा 3:16

धाम्‍चाक्‍या आब्‍राहाम धाङ खी़ भुग्‍युला ॱनावालाक। सुङराप नाङदु “भुग्‍युक्‍याला” ॱनेरी, से माङागी कोरला ॱमेनालाक हीना “ख्‍यी़ भु” ॱनेरी, से च्‍यीकगी कोरला ॱनालाक धेनी से दे मास्‍यीका लाक।

१ तीमोथेउ 2:5

घीझ्‍येरी ॱनाना को़न्‍क्षोक च्‍यीक हो़तालाक धेनी को़न्‍क्षोक धाङ मीगी घुङला, भारदुम ताङगीन च्‍यीक हो़तालाक, खोङ नी मास्‍यीका येशु,

२ तीमोथेउ 2:8

ङी स्‍येगीन ताम्‍शाङ च्‍योक्‍रे, दावीदगी दुङग्‍युने हीन्‍गीन छीवाने सो़न्‍पो श्‍याङस्‍या येशु मास्‍यीकाला ढेन्‍सो़।

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”