लुका 9:60 - ॱलोवा

⁶⁰ धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

लुका 9:60 Iomraidhean Croise

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 8:22

हीना येशुगी खोला सुवालाक, “ङी स्‍याबाला स्‍योक धेनी स्‍यीम्‍बुक्‍याईराङ, खोराङक्‍याई फुङबु कुङदु च्‍युक।”

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

१ कोरीन्‍थुपा 9:16

होझ्‍येरी ङी ताम्‍शाङ स्‍येना, ङाला ङोम्‍सो झ्‍यीयेगी दो़न घीया मेक घीझ्‍येरी ॱनाना ताम्‍शाङ स्‍येये माना, ङाला थापस्‍यी श्‍येम्‍मा मेक। ङी ताम्‍शाङ ॱमेस्‍येना ङाला क्षेपा फोक्‍वास्‍योक।

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।