लुका 9:51 - ॱलोवा

⁵¹ येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

लुका 9:51 Iomraidhean Croise

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 12:50

ङा ठी़सो़ च्‍यीक लेन्‍घोये हो़क। होदे ठी़सो़ माडुप थुक्‍पे, ङाला ॱमीच्‍यीकी ङ्या क्षे दुक।

लुका 13:22

धेनी येशु ग्‍याजाक्‍या धाङ युक्‍याने झ्‍युरी, क्षो़ स्‍येया जेदी-जेदी येरुसालेम स्‍योकला फेप्‍पालाक।

लुका 17:11

येशु सामारीया धाङ गालीलगी घुङने झ्‍युरी, येरुसालेम स्‍योकला फेई हो़तालाक।

लुका 18:31

येशुगी खोरी ङेने च्‍युङङीला ठीक्‍ती सुवालाक, “तो़दाङ, होराङक्‍या येरुसालेम स्‍योकला डोयेलाक धेनी मी-भुगी कोरला ॱङो़नस्‍येखेनक्‍याई ढीक्‍टा घीरी डुप्‍कीलाक।

लुका 19:11

धा मीक्‍याई दे ङेन्‍दी घाङला, येशुगी खुङक्‍याला पे च्‍यीक सुवालाक घीझ्‍येरी ॱनाना खोङबा येरुसालेमगी ङ्येरु हो़तालाक धेनी मीक्‍याई को़न्‍क्षोकगी ग्‍यासी उक्‍कुरा च्‍यीकला ॱङो़न्‍टु साम्‍बालाक।

लुका 19:28

धा येशुगी देक्‍या सुङसारती खोङबा येरुसालेम स्‍योकला फेप्‍पालाक।

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

लुका 9:57

खोङबाक्‍या लाम्‍गाने फेई घाङला, मी च्‍यीकगी येशुला श्‍यी़वालाक, “चोवो, खोङबा घारु फेई, ङाः खेराङगी स्‍याम्‍ला डायेहीन।”

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 16:5

धा ङा ङाला ॱङाक्‍कीनगी़ डुङदु डी़हो़क हीना खेक्‍या सी़या ङाला ‘घारु डोयेहीनो?’ ॱनेरी मीढीलालाक।

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 1:9

हो़जो़ सुङा जेदी होदेक्‍याई तेरी धेदाराङ, येशु ॱनाम स्‍योकला खेरा जेपालाक। धेनी खोङबाला ॱरीङबागी काप्‍ती, खोङबा होदेक्‍याई थोङसाने ये जेपालाक।

एफीसुपा 1:20

को़न्‍क्षोकगी मास्‍यीकाला छीवाने कुसो़न्‍पो श्‍याङा जेपालाक धेनी नाम्‍खे श्‍यीङखामक्‍यारु, राङगी क्षाक ॱयेरु श्‍युक्‍तु च्‍युक्‍वा जेपालाक।

फीलीप्‍पीपा 3:14

मास्‍यीका येशुगी नाङ को़न्‍क्षोकगी नाम्‍खे श्‍यीङखामने, भो़पा ज्‍यागा थोप्‍येगी क्षीला, ङा ॱमीक्‍यु देला स्‍युक ग्‍याप्‍ती डी़हो़क।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 6:20

धेनी दी नाङदु, येशु एन्‍लाराङ होरी छापला फेप्‍सालाक। धेनी खोङबा नी मेल्‍कीजेदेक च्‍योक्‍रे, होरी क्षीदु थामेपे चो क्षो़पो़न झ्‍युवालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।