लुका 9:43 - ॱलोवा

⁴³ धा को़न्‍क्षोकगी देरे शीजे थोरी, मीक्‍या घीरी ॱहाङसावालाक। हीना खोङबागी जेगीनगोला मी घीरी ॱहाङसाङी घाङला, येशुगी राङगी ङेनेक्‍याला सुवालाक,

लुका 9:43 Iomraidhean Croise

मेथा 17:22

खोङबाक्‍या गालीलदु जोमी घाङला, येशुगी ङेनेक्‍याला सुवालाक, “मी-भु नी, मीक्‍याई लाक्‍पादु ची ग्‍याप्‍कु झ्‍यीदी।

मारकु 6:51

धेनी खोङबा खुङक्‍यामुला डु नाङदु फेप्‍पालाक धेनी ॱलुङबुगो छो़पालाक। खुङक्‍या ॱमीच्‍यीकी ॱहाङसावालाक।

लुका 18:43

धेनी लाम्‍साङ खो थोङगीन झ्‍युवालाक। धेनी को़न्‍क्षोकगी तो़टा ताङी, खो खोङबागी स्‍याम्‍ला डावालाक। दे थोरी मी घीरीगी को़न्‍क्षोकला तो़पा पुवालाक।

लुका 4:36

धेनी मी घीरी ॱहालेरी खोराङक्‍या नाङदु ॱनेवालाक, “दे का दे घी ले? वाङ धाङ नी़थुगी थोक्‍ने, खी़ ॱनो़पा आक्‍याला का ॱनाङी धेनी देक्‍या थो़न्‍दी डी़।”

लुका 5:26

धेनी खुङक्‍या घीरी ॱमीच्‍यीकी ॱहालेरी जीक्‍टागी खावालाक। धेनी को़न्‍क्षोकला तो़टा पुरी ॱनेवालाक, “धीरीङ हीकी ॱमीच्‍यीकी ॱहाङसागीन लेगा थोजुङ।”

लुका 5:9

घीझ्‍येरी ॱनाना देरे माङा ङ्या शीम्‍गीनगोला, सीमोन धाङ खी़मुला हो़गीन घीरी ॱहाङसावालाक।

लुका 8:25

खोङबागी खुङक्‍याला सुवालाक, “खेक्‍याई धेपा घारु हो़ता?” धेनी खुङक्‍या जीक्‍पालाक धेनी ॱहालेरी च्‍यीकगी च्‍यीकला ॱनेवालाक, “खोङबा सुले? ॱलुङ धाङ भालापला का ॱनाङी, धेनी होदेक्‍याई खोङबागी का ङेन्‍दी।”

लुका 9:42

खो हुङी घाङला ॱनो़पागी़ खोला साला धाप्‍पालाक धेनी दाम्‍बालाक। हीना येशुगी होदे ॱनो़पाला काको़न जेपालाक धेनी टुगोला चो़गा जेदी खोरी आकीला ची ग्‍याप जेपालाक।

२ पेटो 1:16

घीझ्‍येरी ॱनाना हीकी खेक्‍याला होरी चोवो येशु मास्‍यीकागी नी़थु धाङ खोङ फेप्‍ये हीन्‍गीनगी कोरला स्‍येदी घाङला, मीगी चोम्‍दी शो़सा ताम्‍पेक्‍या च्‍योक्‍रे ॱमास्‍ये, हीना खोङबागी शीजे हीकी ॱमीकगी ॱङो़न्‍सुम ज्‍यावालाक।