लुका 9:20 - ॱलोवा

²⁰ खोङबागी खुङक्‍याला सुवालाक, “हीना खेक्‍या ङा सु लाक ॱनेकीओ?” धेनी पेटोगी लेन तेरती ॱनेवालाक, “को़न्‍क्षोकगी मास्‍यीकागो!”

लुका 9:20 Iomraidhean Croise

मेथा 22:42

सुवालाक, “मास्‍यीकागी कोरला खेक्‍याई घी सामी हेतो? खोङबा सी़ से ले?” खुङक्‍याई खोङबा दावीदगी से लाक ॱनेरी लेन श्‍यी़वालाक।

मेथा 26:63

हीना येशुगी घीया ॱमासुवालाक। धेनी चो क्षो़पो़नगी खोङबाला ॱनेवालाक, “ङा को़न्‍क्षोक सो़न्‍पोला ॱना क्‍यारी ॱनाहीन, ख्‍यो़ को़न्‍क्षोकगी से मास्‍यीकागो हीने, हेक्‍याला स्‍यो़क?”

मेथा 5:47

धेनी राङगी पी़नक्‍याला च्‍यीगा छाम्‍डी श्‍यी़ना, ख्‍यी़ मी श्‍येम्‍माने ल्‍हाक घी झ्‍यीदी से? धेपा मीझ्‍यीगीनक्‍याः देरेराङ मीझ्‍यीदाई?

मारकु 14:61

हीना येशुगी घीया ॱमासुवा कालेन ॱमानावालाक। याङ चो क्षो़पो़नगी खोङबाला ढीवालाक, “ख्‍यो़ नी झ्‍यीलापचेनगी से मास्‍यीकागो ले?”

मारकु 8:29

येशुगी खुङक्‍याला याङ ढीवा जेपालाक, “हीना खेक्‍या, ङा सु लाक सामी हेतो?” पेटोगी ॱनेवालाक, “खेराङ नी, मास्‍यीकागो लाक।”

लुका 22:67

“ख्‍यो़ मास्‍यीकागो हीन्‍ना, हेक्‍याला स्‍यो़क।” हीना खोङबागी खुङक्‍याला सुवालाक, “ङी ॱनानाः खेक्‍याई ङाला यीच्‍चे झ्‍यीगुमालाक।

लुका 9:19

खुङक्‍याई ॱनेवालाक, “मी रीङगागी ठी़सो़खेन योहान्‍ना धेनी रीङगागी एलीया धाङ श्‍येम्‍माक्‍याई एम्‍मागी ॱङो़नस्‍येखेनक्‍याने च्‍यीक याङ सो़न्‍पो श्‍याङदुक ॱनेरी ॱनी।”

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 11:27

मी़ खोङबाला श्‍यी़वालाक, “ला चोवो, खेराङ नी को़न्‍क्षोकगी से जीक्‍तेनदु फेप्‍कीन मास्‍यीकागो लाक ॱनेरी, ङा धेपा झ्‍यीदीहो़क।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 4:29

“ङी झ्‍येजा घीरी ङाला सुङगीन मी देला तारु स्‍योक। मास्‍यीकागो खोङबाराङ मेन्‍डी़?”

योहान्‍ना 4:42

धेनी खुङक्‍याई होदे केमीगोला ॱनेवालाक, “धा ख्‍यी़ ॱनागीनगोला मेन्‍दा, हीकी राङगी घोरती धेपा झ्‍यीदाहीन। धेनी ॱङोन्‍नेराङ खोङबा जीक्‍तेनगी क्‍याम्‍गो़नगो लाक ॱनेरी हेक्‍याई स्‍येजुङ।”

योहान्‍ना 7:41

धेनी श्‍येम्‍माक्‍याई ॱनेवालाक, “दे नी मास्‍यीकागो लाक।” हीना रीङगागी ॱनेवालाक, “गालील युने मास्‍यीकागो फेप्‍कुलाक से?

जेपा 17:3

मास्‍यीकाला दुक्‍पु राक घोगीलाक धेनी छीवाने याङ सो़न्‍पो झ्‍युङघोगीलाक ॱनागीन लाब देला, खी़ खुङक्‍याला ढेस्‍ये ग्‍याप धेनी पाङपो तेर झ्‍येवालाक। धेनी “ङी खेक्‍याला ॱनागीन येशु खोङबाराङ मास्‍यीका लाक।” ॱनेरी खी़ ॱनेवालाक।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

जेपा 9:22

हीना साउलगी कालोप स्‍युक क्षेरु-क्षेरु सोवालाक धेनी येशुराङ मास्‍यीका लाक ॱनेरी, खी़ तेरता पाङपोक्‍या तो़न्‍दी, दामासेकोरु हो़गीन याहुदापा मीक्‍या गो थोम्‍दी, लेन घीन्‍दा ग्‍याप ॱमाथुक्‍पालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।