लुका 9:11 - ॱलोवा

¹¹ हीना मीछोकगी दे ॱहाघोरती, खोङबागी स्‍याबाला डावालाक धेनी खोङबागी देक्‍याला हुङदु च्‍युक्‍ती, को़न्‍क्षोकगी ग्‍यासीगी कोरला सुवालाक धेनी नाजाने थार घो़गीनक्‍याला चो़गा जेपालाक।

लुका 9:11 Iomraidhean Croise

मेथा 12:15

येशुगी दे खेन्‍दा जेदी, खोङबा होदेने फेप्‍पालाक। धेनी मीछोक क्षे च्‍यीक खोङबागी स्‍याबाला डावालाक धेनी खोङबागी घीरीला चो़गा जेपालाक।

मेथा 14:14

खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 21:43

“होझ्‍येरी ङा खेक्‍याला ॱनाहीन, नाम्‍खे ग्‍यासी दे खेक्‍याने ठोक्‍ती, ढेबु केगीन मीग्‍युक्‍याला ॱनाङगीलाक।

लुका 1:53

खोङबागी तोक्‍ती धेताक्‍याला, शाङागी खाङा जे हो़तालाक, धेनी क्षुक्‍पुक्‍याला, खोङबागी तोङबा तो़न जे हो़तालाक।

लुका 5:31

धेनी येशुगी खुङक्‍याला सुवालाक, “आम्‍ची नी थाङाक्‍याला मेन्‍दा नेपाक्‍याला घोलालाक।

लुका 8:1

धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

लुका 8:10

खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

लुका 9:10

धेनी कुछापक्‍या लोक्‍ती होरी, खोराङक्‍याई झ्‍येजा लेगा घीरी येशुला स्‍येपालाक। धेनी खोङबागी खुङक्‍याला ठीक्‍ती, बेथसेदा ॱनागीन ग्‍याजारु खाबा फेप्‍पालाक।

लुका 9:12

धा ङीमा यो़गु झ्‍यीदी घाङला, कुछाप च्‍युङङीगो होरी खोङबाला श्‍यी़वालाक, “मीछोकक्‍या ॱये-ॱयो़नगी युक्‍या धाङ ढोङक्‍याला सोरी, धेजा धाङ शाये चारु झाङा जे घीझ्‍येरी ॱनाना होराङ दुरु साजा एन्‍दोङला दुक।”

लुका 9:2

धेनी खोङबागी खुङक्‍याला, को़न्‍क्षोकगी ग्‍यासी सेटाक झ्‍यीये धाङ नेपाक्‍या चो़गा झ्‍यीयेला झावालाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

रोमापा 10:14

धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

रोमापा 10:17

होझ्‍येरी धेपा नी घोरकीनने हुङालाक धेनी घी घोरकीनगो मास्‍यीकागी काने झ्‍युङालाक।

रोमापा 15:3

घीझ्‍येरी ॱनाना मास्‍यीकागीयाः राङगी थुक घेरु च्‍युक्‍वा माजेपालाक। दी कोरला सुङरापला देरे ढीक हो़तालाक, “खेराङला ॱमेटा ताङगीनगी ॱमेटा, ङी खाला फोक्‍दुक।”

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

ईब्‍रीपा 4:16

होझ्‍येरी घो़गीन धी़चो़ला रोक्‍राम झ्‍युङगीन, ॱङीङजे धाङ थुक्‍जेगो होराङला थोप्‍येगी क्षीला को़न्‍क्षोकगी श्‍युक्‍ठीगी डुङदु ॱलोगोक क्षे झ्‍येरी डो।