लुका 9:1 - ॱलोवा

¹ धा येशुगी ङेने च्‍युङङीला मुला भो़री, खुङक्‍याला डेक्‍या धाङ नाजाक्‍या चो़गा झ्‍यीयेगी नी़थु धाङ आङजा ॱनावालाक।

लुका 9:1 Iomraidhean Croise

मेथा 16:19

ङा ख्‍यो़ला नाम्‍खे ग्‍यासीगी धीमीकक्‍या तेरयेहीन धेनी ख्‍यी़ साश्‍यीदु घी धाम्‍गीनगो नाम्‍खे श्‍यीङखामदु धाम्‍गीलाक धेनी ख्‍यी़ साश्‍यीदु घी टोगीनगो नाम्‍खे श्‍यीङखामदु टोगीलाक।”

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मेथा 8:9

घीझ्‍येरी ॱनाना ङा श्‍येम्‍मागी वाङ होकदु हो़क धेनी ङी होक्‍दुवा ॱमाक्‍मीक्‍या हो़तालाक। ङी ॱमाक्‍मी च्‍यीकला, ‘सोङ’ ॱनाना खो डोवालाक धेनी श्‍येम्‍मा च्‍यीकला, ‘छुला स्‍योक’ ॱनाना हुङालाक धेनी ङी ॱयोक्‍पोला, ‘दे झ्‍यी’ ॱनाना, खी़ होदे झ्‍यीदालाक।”

लुका 10:1

होदे स्‍याम्‍ने, चोवोगी श्‍येम्‍मा मी धी़न्‍चु धो़न्‍ङीला दामा जेपालाक धेनी खुङक्‍याला मी ॱङी-ॱङी झ्‍येरी, खोङबाराङ फेप्‍ये जेगीन ग्‍याजा धाङ यु घीरीला खोङबागी एन्‍ला झावालाक।

लुका 10:19

ङी खेक्‍याला डु धाङ धीक्‍पा राचाकक्‍याला काङबी ॱलेये धाङ डागी वाङ घीरीगी, खाला आङजा तेरहो़क धेनी घीन्‍गीया खेक्‍याला ॱनो़ क्‍यागीमालाक।

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 3:16

खेक्‍याई थोङगीन धाङ ङोस्‍येगीन दे मी श्‍याक्‍योवा देला, येशु छेनला धेपा झ्‍येरी स्‍युक जोरपालाक। येशुगी छेन धाङ खोङगी थोक्‍ने झ्‍युङगीन धेपागी झ्‍येरी, खो चो़गा झ्‍युवालाक ॱनेरी खेराङक्‍या घीरीगी थोङालाक।

जेपा 4:30

खेराङगी धाम्‍पे श्‍याप्‍ची येशुगी छेनने नेपाक्‍या चो़गा झ्‍यीये धेनी ॱहाङसागीन लेगाक्‍या झ्‍येरी ताकक्‍या तो़न्‍येला स्‍युक ॱनाङरोनाङ।”

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।