लुका 8:47 - ॱलोवा

⁴⁷ धा मोराङ हीप ॱमीथुक्‍कीनगो थोरी, मो दारी-दारी होवालाक धेनी खोङबागी डुङदु क्षाक छारी, मीमाङ घीरीगी दोङदु खोङबाला मी़ जुगीनगी दो़न्‍दाकगो धाङ मो लाम्‍साङ चो़गा झ्‍युङगीनगी कोरला स्‍येपालाक।

लुका 8:47 Iomraidhean Croise

मेथा 28:8

धा खुङक्‍या जीक्‍टा धाङ घाटोगी खारी, लु-लु धी़ठोने ङेनेक्‍याचारु भाङ तारी स्‍येरु सोवालाक।

मारकु 5:33

धेनी भोमो दे मोराङला घी झ्‍युङगीनगो स्‍येरी, मो जीक्‍ती दारी-दारी, येशुगी डुङदु पीमु चुक्‍ती लाब धेन्‍पा घीरी स्‍येपालाक।

लुका 8:46

हीना येशुगी सुवालाक, “मी च्‍यीकगी ङाला जी़जुङ घीझ्‍येरी ॱनाना ङाने स्‍युक थो़न्‍दी डुगीन ङी छोरजुङ।”

लुका 8:48

धेनी खोङबागी मोला सुवालाक, “भोमो, ख्‍यी़ धेपागी ख्‍यो़ला चो़गा झ्‍येवालाक। धा श्‍यीदेला सोङ।”

जेपा 16:29

दे ॱहाघोरती चो़न्‍खाङ ॱरुङगीन घोरेगी़ क्‍युङ पोर ॱनेरी, भाङ तारी नाङदु सोवालाक। धेनी जीक्‍टागी शु दारी-दारी, खो पाउलु धाङ सीलवानुगी दोङदु क्षाक क्षावालाक।

१ कोरीन्‍थुपा 2:3

ङा खीकीचारु क्‍योवा झ्‍युरी, ॱमीच्‍यीकी जीक्‍ती धाङ दारती होवी।

२ कोरीन्‍थुपा 7:15

खेक्‍या घीरीगी खी़ खाला ङेन्‍गीन धाङ खेक्‍याई खोला जीक्‍टा धाङ दारती सी़याङ श्‍यी़गीनगो ढेन्‍दी घाङला, खेक्‍याई क्षीदु खी़ चेवागो ॱयोल्‍ले माङा फेदुक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

ईब्‍रीपा 12:28

होझ्‍येरी घु-घु ताङ ॱमीथुक्‍कीन ग्‍यासी थोप्‍था, होराङक्‍या को़न्‍क्षोकला काटीन्‍क्षे श्‍युउ। धेनी कुरती धाङ जीक्‍नाङगी थोक्‍ने, को़न्‍क्षोकला थुक्‍ङेउ झ्‍युङगीन क्षाक्‍क्षो़पा पुलो।