लुका 8:41 - ॱलोवा

⁴¹ धेनी याईरोस ॱनागीन छोक्‍खाङगी पो़न्‍पो च्‍यीकगी येशुला क्षाक छारी, खोरी नाङदु फेप्‍येला श्‍यी़वालाक

लुका 8:41 Iomraidhean Croise

लुका 13:14

ङासुगीन ङीमाला येशुगी नाजा चो़गा जेदी, होदे छोक्‍खाङगी पो़न्‍पोगो ॱमीच्‍यीकी धुक्‍चा धी़वालाक। धेनी होदुरु हो़गीन मीक्‍याला ॱनेवालाक, “लेगा झ्‍यीयेगी क्षीदु श्‍याक्‍मो ढुक हो़तालाक। होझ्‍येरी ङासुगीन ङीमाला मेन्‍दा, होदे ङीमाक्‍याला होरी चो़गा झ्‍युङ।”

लुका 17:16

धेनी येशुगी श्‍यापला क्षाक छारी, खी़ येशुला थुक्‍चीक्षे श्‍यी़वालाक। धा खो सामारीपा च्‍यीक लाक।

लुका 5:8

दे थोरी सीमोन पेटो येशुगी दोङला पीमु चुक्‍ती श्‍यी़वालाक, “चोवो, ङा मी धीक्‍चेन च्‍यीक हीन। ङाने ॱहाला फेप्‍रोनाङ।”

लुका 8:42

घीझ्‍येरी ॱनाना खी़ लो च्‍युङङी ॱलेप्‍ला, भोमो च्‍यीगारागो स्‍यीगु झ्‍यीदी हो़तालाक। येशु फेई घाङला मीछोकगी खोङबाला छाङगा ग्‍याप्‍पालाक।

लुका 8:49

खोङबा कामो़न सुङी घाङला छोक्‍खाङगी पो़न्‍पोगी़ नाङने मी च्‍यीक होरी ॱनेवालाक, “खेराङगी भोमो ढोजुङ। धा ॱलोपो़नला काल्‍ले ताङा माजे।”

योहान्‍ना 11:21

मारथागी येशुला श्‍यी़वालाक, “चोवो, खेराङ दुरु श्‍युक हो़ना, ङी नो ढोङये मेक।

जेपा 13:15

मोशेगी ॱनाङना क्षो़ठीम धाङ ॱङो़नस्‍येखेनक्‍याई ढीक्‍टा धेपने ढोक सारती, छोक्‍खाङगी पो़न्‍पोक्‍याई पाउलु धाङ बारनाबाला केक तारी ॱनेवालाक, “नोक्‍याओ! खेराङक्‍यामुला मीक्‍याला सेमस्‍युक ॱनाङगीन लाब रे हो़ना सुङरोनाङ।”

जेपा 18:17

धेनी देक्‍या घीरीगी छोक्‍खाङगी पो़न्‍पो सोसथेनेला शीम्‍दी, होदे ठीम चेजा साजागी दोङलाराङ खोला दुवालाक। हीना गाल्‍यो़नगी घीया या माझ्‍येवालाक।

जेपा 18:8

याहुदापा छोक्‍खाङगी चो कीरीस्‍पु ॱनागीन, मी धाङ खी़ नाङमी घीरीगी चोवोला धेपा झ्‍येवालाक धेनी कोरीन्‍थुगी मी श्‍येम्‍मा ॱमीच्‍यीकी माङागीयाः, पाउलुगी ॱलापच्‍या ङेन्‍दी धेपा झ्‍येरी ठी़सो़ लेन्‍बालाक।

जेपा 9:38

योफा लुडा ग्‍याजाने ङ्येमोमा हो़तालाक। धेनी योफारु हो़गीन धेपा झ्‍यीगीनक्‍याई पेटो लुडारु दुक ॱनेरी घोरती, मी ॱङी झारी लो़न दे कुरपालाक, “हो़च्‍चो़-हो़च्‍चो़, मागोरा हीकी चारु लाम्‍साङ फेप्‍रोझ्‍यी।”

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।