लुका 8:3 - ॱलोवा

³ धेनी हेरोदेगी खीम्‍जाङगी ॱङेरपा कुजागी केमी योआन्‍ना धाङ सुसान्‍ना धाङ श्‍येम्‍मा भोमो माङा हो़तालाक। दे केमीक्‍याई राङगी ग्‍युनोरने, खोङबाक्‍याला रोवा झ्‍यीदालाक।

लुका 8:3 Iomraidhean Croise

मेथा 14:1

होदे घाङला गालीलगी पो़न्‍पो, हेरोदेगी येशुगी ॱङेन्‍डाकगी कोरला ॱहाघोरपालाक।

मेथा 14:3

धा हेरोदेगी खोरी नो फीलीपगी केमी हेरोदीयासगी क्षीला, योहान्‍नाला शीम्‍बालाक धेनी कीक्‍ती चो़न्‍खाङला धाक्‍पालाक।

मेथा 14:6

हीना हेरोदे केवे ङीमोगोला डो़न्‍बोक्‍याई दोङदु, हेरोदीयासगी भोमोगो घार चेरी, हेरोदेला ङ्यामो घारु च्‍युक्‍पालाक।

मेथा 2:11

धा नाङला जुरी, टुगोला खोरी युम मीरीयाममुला ज्‍यावालाक। धेनी पीमु साला चुक्‍ती, खुङक्‍याई खोङबाला क्षाक छावालाक। धेनी तेरगाम खा पेरी, सेर धाङ पो़कार धाङ ढीस्‍यीमक्‍या तो़न्‍दी, खोङबागी दोङला ज्‍यागाक्‍या पुवालाक।

मेथा 20:8

“धा घोमो झ्‍युङी घाङला, घुन्‍डुमगी दुम्‍रागी दाक्‍पोगी़ खोरी ॱङेरपाला भो़री ॱनेवालाक, ‘मीलाकक्‍याला भो़री, खुङक्‍याला स्‍याम्‍योकने गो चुक्‍ती, धाङपो थुक्‍पे ॱलाज्‍या तेर।’

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 26:11

घीझ्‍येरी ॱनाना उटेक्‍या च्‍योई खीकीमुला हुङालाक हीना ङा खेक्‍यामुला च्‍योई हुङगीमालाक।

मेथा 27:55

धेनी गालीलने येशुगी स्‍याबाला डारी होवा, खोङबाला श्‍याप्‍ची श्‍युगीन केमी भोमा ॱमीच्‍यीकी माङा, ग्‍याङने होदुरु तेरी धे हेतालाक।

लुका 24:10

होदे केमीक्‍या मीरीयाम माक्‍दालीनी धेनी योआन्‍ना धाङ याकोबगी आमा मीरीयाम लाक। धेनी खुङक्‍याईमुला हो़गीन केमी श्‍येम्‍माक्‍यागीयाः, दे लाबक्‍या कुछापक्‍याला स्‍येपालाक।

योहान्‍ना 12:6

खी़ दे उटेक्‍याला ॱङीङजे केरी ॱनेवामालाक। हीना खो नी कुमा च्‍यीक लाक। ॱङुगी खुमाकगो खी़ ङ्यारालाक। धेनी होदे नाङदु ॱलुक्‍कीनने, खो राङला घो़गीनगो कुवालाक।

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

फीलीप्‍पीपा 4:22

खेक्‍याला धाम्‍पे मी घीरीगी धेनी ॱमीक्‍सेदु केसारगी फोडाङदु हो़गीनक्‍याई, छाम्‍डी श्‍यी़क।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।