लुका 8:18 - ॱलोवा

¹⁸ होझ्‍येरी खेक्‍याई घी ङेन्‍गीनगोला, शाप-शाप झ्‍यी घीझ्‍येरी ॱनाना हो़गीनगोला ॱयोल्‍ले माङा तेरकीलाक धेनी मेगीनगोला, खोला घी हो़क ॱनेरी साम्‍गीनगोवा, खोने ठोक्‍कीलाक।”

लुका 8:18 Iomraidhean Croise

मेथा 13:12

घीझ्‍येरी ॱनाना हो़गीनला धोराङा ॱनाङगीलाक धेनी मेछो़ली झ्‍युङगीलाक। हीना मेगीनगोला, खोला हो़गीनगोवा खोने ठोक्‍कीलाक।

मेथा 25:29

घीझ्‍येरी ॱनाना हो़गीनगोला ॱयो़ल्‍ले माङा तेरकीलाक धेनी खोला मेछो़ली झ्‍युङगीलाक। हीना मेगीनगोने खोला हो़गीनगोवा, खोने ठोक्‍कीलाक।

मारकु 13:14

“हुङयेराङ मेगीन साज्‍याला, खेक्‍याई ॱमीच्‍यीकी आम्‍लोवा क्‍यो़न ताङगीन ॱमेचाङा च्‍यीक लारी धेता थोङगीलाक (दी दो़न ढोक्‍कीनक्‍याई ॱहाघोरास्‍योक)। होदे घाङला, युदेयाला हो़गीनक्‍या रीक्‍या स्‍योकला डो़री डोवास्‍योक।

लुका 19:26

ग्‍यावुगी ॱनेवालाक, ‘ङा खेक्‍याला ॱनाहीन, हो़गीनला ॱयो़ल्‍ले माङा तेरकीलाक हीना मेगीनक्‍याने खोला हो़गीनगोवा खोने ठोक्‍कीलाक।

लुका 9:44

“ताम दे घीरी खेरी सेमला शीम। मी-भु मीक्‍याई लागाला ची ग्‍याप्‍ये झ्‍यीदी।”

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

जेपा 10:33

होझ्‍येरी ङी लाम्‍साङ खेराङला फेप श्‍युरु झावी। धेनी खेराङ दुरु फेप्‍ती घायेरे झ्‍युजुङ। धा चोवोगी खेराङला का ॱनाङना घीरी ङेन्‍येला, हेक्‍या घीरी को़न्‍क्षोकगी डुङदु दुरु जोम हो़क।”

जेपा 17:11

होदे ग्‍याजागी याहुदापाक्‍या थेसालोनीके याहुदापाक्‍यानेः ॱनावा याङा हो़तालाक। खुङक्‍याई पाउलुगी क्षो़ला ॱमीच्‍यीकी दो़नाङ झ्‍येरी ङेन्‍बालाक धेनी खी़ ॱनागीन लाबक्‍या धेन्‍पा लाक याङना मालाक ॱनेरी, श्‍याक्‍मो-श्‍याक्‍मोला सुङराप ढोक्‍ती तालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 8:2

मी च्‍यीकगी “ङाला स्‍येयेहो़क” ॱनेरी साम्‍ना, खी़ स्‍येघो़गीनगो खी़ ॱमेस्‍येलालाक।

फीलीप्‍पीपा 3:4

घीहीन्‍ना ङा ङाराङला ली़ला क्षा श्‍याक्‍घोयेगी दो़न्‍दाक हो़क। मी च्‍यीकगी राङगी ली़ला क्षा श्‍याक्‍येगी दो़न्‍दाक हो़क ॱनेरी साम्‍ना, ङाला ॱयोल्‍ले माङा दो़न्‍दाक हो़क।

ईब्‍रीपा 2:1

होझ्‍येरी होरी घी घोरकागोला, ॱयोल्‍ले ल्‍हाक दो़नाङ झ्‍यी घो़गुलाक। देरे मेन्‍ना होरी लाम नोरयेगी ङेन्‍का हो़क।