लुका 8:14 - ॱलोवा

¹⁴ छेम्‍मागी साङला थोरकीनगोक्‍या, काला ङेन्‍येगो ङेन्‍दी हीना मीछेगी दुङा धाङ ग्‍युनोर धाङ दो़पा ॱनाछोकगी खुङक्‍याला ॱनेमालाक धेनी देक्‍याई ढेबु के ॱमीथुक्‍वालाक।

लुका 8:14 Iomraidhean Croise

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

लुका 16:13

“ॱयोक्‍पो च्‍यीकगी दाक्‍पो ॱङीला श्‍याप्‍तोक पु ॱमीथुक्‍वालाक घीझ्‍येरी ॱनाना खी़ याङना च्‍यीकला ॱमेथेदा झ्‍येरी श्‍येम्‍मागोला चेवा झ्‍यीगीलाक। याङना च्‍यीकला चीरी श्‍येम्‍मागोला यामे ताङगीलाक। खेक्‍या को़न्‍क्षोक धाङ ग्‍युनोर ॱङीगारागी श्‍याप्‍तोक पु ॱमीथुक्‍कीलाक।”

लुका 21:34

“हीना खेक्‍या च्‍याङजे झ्‍येरी धो़क। मेन्‍ना खीकी सेम ङ्याम ताङये धाङ शीरी धेये धाङ मीछेगी दुङागी ॱनेम्‍गीलाक। धेनी होदे ङीमागो ॱहाताक्‍पाला, ॱङीपला थेम्‍गीन च्‍योक्‍रे हुङगीलाक।

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

लुका 8:7

धेनी रीङगा छेम्‍मागी साङला थोरपालाक धेनी होदेक्‍यामुला छेम्‍मागो छारती होवालाक धेनी होदेक्‍याला ॱनेम्‍बालाक।

योहान्‍ना 15:6

ङी नाङ ॱमेनेगीनगोला याक्‍का च्‍योक्‍रे, फीला ॱयुक्‍कीलाक धेनी काम्‍गीलाक। धेनी होदे याक्‍काक्‍या रुक्‍ती मेला ॱयुक्‍ती ॱरालाक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।