लुका 8:10 - ॱलोवा

¹⁰ खोङबागी सुवालाक, “खेक्‍याला को़न्‍क्षोकगी ग्‍यासीगी साङवागी स्‍येराप ॱनाङ हो़तालाक हीना श्‍येम्‍माक्‍याला ङा पेने ॱनालाक। होझ्‍येरी सुङरापला हो़गीन दे डुप्‍पालाक ‘देक्‍याई तेरीयाः ॱमेथोङगीलाक, धेनी ङेन्‍दीयाः मेघोरकीलाक।’

लुका 8:10 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मारकु 4:11

धेनी येशुगी खुङक्‍याला सुवालाक, “को़न्‍क्षोकगी ग्‍याखापगी साङवा, खेक्‍याला ॱनाङ हो़तालाक। हीना फीदागी मीक्‍याला लाब घीरी पेगी थोक्‍ने स्‍येगीलाक,

मारकु 4:12

खुङक्‍याई ताये तागीलाक हीना ॱमेथोङगीलाक, ङेन्‍ये ङेन्‍गीलाक हीना ॱहाघोरकीमालाक, खुङक्‍याई हुरे झ्‍येहो़ना खुङक्‍या सेम ग्‍युरती, धीक्‍पाक्‍याने थार हो़टु।”

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 12:11

दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।