लुका 8:1 - ॱलोवा

¹ धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

लुका 8:1 Iomraidhean Croise

मेथा 11:1

येशुगी राङगी ङेने च्‍युङङीला ॱलोप्‍तो़न जेसारती, खोङबा होदेने होदे युगी ग्‍याजाक्‍याला, क्षो़ तो़न्‍ये धाङ का स्‍येयेला फेप्‍पालाक।

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मारकु 1:39

धेनी छोक्‍खाङक्‍या नाङदु क्षो़ सुङी-सुङी धाङ डेक्‍या तो़न्‍दा जेदी-जेदी, खोङबा गालीलगी साज्‍या घीरीदु फेप्‍पालाक।

लुका 1:80

धेनी टु योहान्‍ना ली़ला छारती, सेमला स्‍युक्‍क्षे झ्‍युवालाक। धेनी ईस्‍राएल्‍पाक्‍याई खोक्‍दु ॱङो़न्‍सुमदु ॱमाङो़न्‍गीन थुक्‍पे, खो रीतोङ स्‍योक्‍लाराङ धेपालाक।

लुका 20:1

ङीमा च्‍यीक, येशु क्षो़खाङदु मीक्‍याला क्षो़ सुङी हो़तालाक धेनी ताम्‍शाङगो स्‍येदी घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍यामुला गेम्‍पाक्‍या खोङबाचारु होरी

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 9:6

धेनी खुङक्‍या घोङपा श्‍युरी यु च्‍यीकने श्‍येम्‍मा झ्‍येरी, घीरीला ताम्‍शाङगो स्‍येदी धेनी हो़लेदु नेपाक्‍या चो़गा झ्‍येरी सोवालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 13:32

धा हेक्‍या खेराङक्‍याला दे ताम्‍शाङ स्‍येयेहीन, को़न्‍क्षोकगी होरी धाङबी फामाक्‍याला जेजा धाम्‍चा,

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”