लुका 7:47 - ॱलोवा

⁴⁷ होझ्‍येरी ङा ख्‍यो़ला ॱनाहीन, मी़ धीक्‍पा माङागोला सेसालाक घीझ्‍येरी ॱनाना मी़ माङा चेवा झ्‍येवालाक। हीना घोयाङ ङ्युङा थोप्‍कीनगी़ चेवा ङ्युङा झ्‍यीदालाक।”

लुका 7:47 Iomraidhean Croise

मेथा 10:37

ङालाः ल्‍हाक, राङगी फामाला चेवा झ्‍यीना, होदेला ङी मी झ्‍युङयेगी आङजा मेक धेनी ङालाः ल्‍हाक राङगी भु धाङ भोमोला चेवा झ्‍यीना, होदेला ङी मी झ्‍युङयेगी आङजा मेक।

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

लुका 7:46

ख्‍यी़ ङी गोवाला ॱनुम ढी़गी मीदुक हीना मी़ ङी काङबाला पो़क्षु ॱलुक्‍जुङ।

लुका 7:48

धेनी खोङबागी मोला सुवालाक, “ख्‍यी़ धीक्‍पाक्‍या सेल्‍जुङ।”

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

१ योहान्‍ना 5:3

को़न्‍क्षोकगी काठीम ॱरुङना राङ, खोङला चेवा झ्‍यीये लाक। धेनी खोङगी काठीमक्‍या काल्‍ले घाक्‍वा मेतालाक।