लुका 7:41 - ॱलोवा

⁴¹ “भुलीङ ताङगीन दाक्‍पो च्‍यीकला, भुलीङ ढेगीन मी ॱङी हो़तालाक। च्‍यीकगी ॱङुगी टाङगा ॱङापग्‍या धाङ श्‍येम्‍मागी़ ॱङापच्‍यु भुलीङ कीवालाक।

लुका 7:41 Iomraidhean Croise

मेथा 18:28

“हीना होदे ॱयोक्‍पोगो होदेने सोवालाक धेनी खोने ॱङुगी टाङगा ग्‍या भुलीङ लेन्‍ला, खोरी ॱयोक्‍पो रोवा च्‍यीकला थुक्‍पालाक। धेनी खी़ खोला शीम्‍दी मीक्‍पा चीरती ॱनेवालाक, ‘ख्‍यी़ लेन्‍गीन भुलीङगो ज्‍योङ!’

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

मारकु 6:37

हीना येशुगी खुङक्‍याला लेन ग्‍यावा जेपालाक, “खेक्‍याराङ खुङक्‍याला शाये रे तेर।” धेनी खुङक्‍याई खोङबाला ॱनेवालाक, “हेक्‍या सोरी दीनारी ङीग्‍या चो़गी ग्‍याङगा ङ्यो़री, खुङक्‍याला शाये तेरये?”

लुका 11:4

हीकी श्‍येनला घोयाङ तेरता झ्‍येरी हीकी धीक्‍पा सेल्‍वा जे। धेनी हेक्‍याला छो़ताला छी़दु ॱमाच्‍युक्‍रो जे।’”

लुका 12:48

हीना दाक्‍पोगी थेगीनगो ॱमेस्‍येगीन ॱयोक्‍पोगी़, दुङ घो़गीन लेगा झ्‍यीना खोला दुङदाक ङ्युङा फोक्‍कीलाक। माङा थोप्‍थाक्‍याने माङा लेन्‍गीलाक धेनी माङा ची ग्‍यापक्‍याने माङा ॱलाङगीलाक।”

लुका 13:4

याङना सीलोआमदु हो़गीन, खार धीप्‍ती मी चाबग्‍ये स्‍यीगीनगोक्‍या, येरुसालेमगी मी श्‍येम्‍माक्‍याने ल्‍हाक धीक्‍चेन लाक ॱनेरी खेक्‍या साम्‍ये?

लुका 7:40

धेनी येशुगी खोला सुवालाक, “सीमोन, ङा ख्‍यो़ला लाब च्‍यीक ॱनायेहो़क।” धेनी खी़, “गेन्‍ला, सुङरो ॱनाङ।” ॱनेरी श्‍यी़वालाक।

लुका 7:47

होझ्‍येरी ङा ख्‍यो़ला ॱनाहीन, मी़ धीक्‍पा माङागोला सेसालाक घीझ्‍येरी ॱनाना मी़ माङा चेवा झ्‍येवालाक। हीना घोयाङ ङ्युङा थोप्‍कीनगी़ चेवा ङ्युङा झ्‍यीदालाक।”

रोमापा 3:23

घीझ्‍येरी ॱनाना मी घीरीगी धीक्‍पा झ्‍ये हो़तालाक धेनी को़न्‍क्षोकगी शीजेने ग्‍याङ रीङदु शो़ हो़तालाक।

रोमापा 5:20

धीक्‍पा फेरु च्‍युक्‍येगी क्षीदु क्षो़ठीम ॱनावालाक। हीना धीक्‍पा फेसारु, को़न्‍क्षोकगी थुक्‍जे ॱयोल्‍ले माङा फेवालाक।