लुका 7:40 - ॱलोवा

⁴⁰ धेनी येशुगी खोला सुवालाक, “सीमोन, ङा ख्‍यो़ला लाब च्‍यीक ॱनायेहो़क।” धेनी खी़, “गेन्‍ला, सुङरो ॱनाङ।” ॱनेरी श्‍यी़वालाक।

लुका 7:40 Iomraidhean Croise

मेथा 26:49

धेनी खो लाम्‍साङ येशु दोङदु च्‍यारती, खोङला “राब्‍बी” ॱनेरी ओ झ्‍येरी, छाम्‍डी श्‍यी़वालाक।

मेथा 7:22

होदे ङीमागोला मी माङागी ङाला, ‘चोवो, चोवो, खेराङगी छेनने हीकी ॱङो़न ॱमास्‍येपे धेनी खेराङगी छेनगी थोक्‍ने धी़क ॱमातो़न्‍बे धेनी खेराङगी छेनगी थोक्‍ने हीकी ॱहाङसागीन लेगा माङा माझ्‍येबे?’ ॱनेरी ॱनागीलाक।

लुका 18:18

पो़न्‍पो च्‍यीकगी येशुला श्‍यी़वालाक, “घेगेन शाङपो ला, थामेगीन मीछे थोप्‍येला ङा घी झ्‍यीघो़गुले?”

लुका 5:22

धेनी खुङक्‍याई साम्‍लो खेन्‍दा जेदी, येशुगी खुङक्‍याला सुवालाक, “खेक्‍या राङगी सेम नाङदु घीझ्‍येरी देरे साम्‍लो ताङाले?

लुका 5:31

धेनी येशुगी खुङक्‍याला सुवालाक, “आम्‍ची नी थाङाक्‍याला मेन्‍दा नेपाक्‍याला घोलालाक।

लुका 6:8

हीना खोङबागी खुङक्‍याई साम्‍लो खेन्‍दा जेदी, होदे लाक्‍पा काम्‍गा मीला सुवालाक, “दुरु स्‍योक धेनी घीरीगी दोङदु लोङ।” धेनी होदे मी लारी दोङला सोवालाक।

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

लुका 7:41

“भुलीङ ताङगीन दाक्‍पो च्‍यीकला, भुलीङ ढेगीन मी ॱङी हो़तालाक। च्‍यीकगी ॱङुगी टाङगा ॱङापग्‍या धाङ श्‍येम्‍मागी़ ॱङापच्‍यु भुलीङ कीवालाक।

योहान्‍ना 13:13

खेक्‍या ङाला ॱलोपो़न धाङ चोवो ॱनेरी ॱनालाक। होदे खेक्‍या धेन्‍पा ॱनालाक। घीझ्‍येरी ॱनाना ङा होगोराङ हीन।

योहान्‍ना 16:19

खुङक्‍याई येशुला ढीवा कुङी दो़गीनगो खोङबागी खेन्‍दा जेदी, खुङक्‍याला सुवालाक, “ङी खेक्‍याला ‘तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने, खेक्‍याई ङाला थोङगीलाक।’ ॱनागीनगी दो़नगो खेराङक्‍या नाङदु ढीलाले?

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”