लुका 7:37 - ॱलोवा

³⁷ होदी ग्‍याजागी केमी धीक्‍चेन च्‍यीकगी, येशु होदे फारुसीपागी नाङदु श्‍युक्‍टाला श्‍युक दुक, ॱनेरी घोरती धो कामारुगी भुम्‍पा घाङ पो़क्षु खेरती होदुरु होवालाक।

लुका 7:37 Iomraidhean Croise

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

लुका 18:13

हीना ठा धुगीनगो थाक्‍रीङाने लारी, नाम्‍खा स्‍योकला ॱमीक ताक झ्‍यी ॱमाक्‍थुवा, राङगी ढाङगो दुरी ॱनेवालाक, ‘के को़न्‍क्षोक, ङा धीक्‍चेन च्‍यीकला ॱङीङजे शीक्‍रोनाङ।’”

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 5:30

धेनी फारुसीपाक्‍या धाङ खुङक्‍याई छोखाकगी क्षो़ठीमगी ॱलोपो़नक्‍या, येशुगी ङेनेक्‍याला देरे ॱनेरी ॱङेतोक स्‍येपालाक, “ठा धुगीनक्‍या धाङ धीक्‍चेनक्‍यामुला खेक्‍या घीझ्‍येरी शा-थुङ झ्‍यीदाले?”

लुका 5:32

धेनी ङा ढाङतेनक्‍याला मेन्‍दा, धीक्‍चेनक्‍याला राङगी धीक्‍पा पारी सेम ग्‍युरयेला भो़रु होवाहीन।”

लुका 7:34

मी-भु शा-थुङ झ्‍येरी होवालाक धेनी खेक्‍याई खोला, ‘खोला तो़दाङ, फोक्‍चाङा, क्षाङदुवा ठा धुगीनक्‍या धाङ धीक्‍चेनक्‍याई रोवा!’ ॱनेरी ॱनेवालाक।

लुका 7:36

फारुसीपाक्‍याने च्‍यीकगी येशुला डो़नला भो़वालाक धेनी खोङबा होदी फारुसीपागी नाङदु फेप्‍ती, श्‍यालाक श्‍येयेला श्‍युक्‍पालाक।

योहान्‍ना 11:2

चोवोगी श्‍यापला पो़क्षु ॱलुक्‍ती, राङगी टागी फीगीन मीरीयामगो मोराङ लाक। मी़ नो लाजार नेपा हो़तालाक।

योहान्‍ना 9:24

होझ्‍येरी खुङक्‍याई एम्‍मा श्‍यारा हीन्‍गीन मीगोला याङ भो़री ॱनेवालाक, “को़न्‍क्षोकगी डुङदु धेन्‍पा स्‍यो़क। मी दे नी, धीक्‍चेन च्‍यीक लाक ॱनेरी हेक्‍याला स्‍येयेहो़क।”

योहान्‍ना 9:31

को़न्‍क्षोकगी धीक्‍चेनक्‍याई ॱमो़लाम ॱमेसेन्‍दालाक हीना खोङबाला ॱङीङकुर झ्‍यीगीन धाङ खोङबागी थुकोङ डुप्‍तु च्‍युक्‍कीनक्‍याला, खोङबागी सेन्‍दालाक ॱनेरी होराङक्‍याई स्‍येलालाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

१ तीमोथेउ 1:9

दे स्‍येरी, क्षो़ठीम दे मी ढाङपोगी क्षीला मेन्‍दा, ठीम तोरकीन धाङ खाला मेङेन्‍गीन धेनी क्षो़ ॱमीचीगीनक्‍या धाङ धीक्‍चेनक्‍या धेनी धाम्‍पा मेगीन धाङ क्षो़ला दो़नाङ मीझ्‍यीगीनक्‍या धेनी फामा सेगीनक्‍या धाङ मी सेगीनक्‍या,

१ पेटो 4:18

धेनी सुङरापला देरे सुङ हो़तालाक, “ढाङतेनक्‍याई थारपाला घाक्‍वा हो़ना, मेढाङा धाङ धीक्‍चेनक्‍याला घी झ्‍युङी हो़टी़?”