लुका 7:22 - ॱलोवा

²² धेनी खोङबागी खुङक्‍याला सुवालाक, “सोङला खेक्‍याई थोङगीन धाङ घोरकीनगो योहान्‍नाला स्‍यो़क। श्‍याराक्‍याई थोङी, श्‍याक्‍योवाक्‍या घोबा चुई, जेनेक्‍या दाक्‍यी, घुक्‍याक्‍या घोरी, स्‍यीम्‍बुक्‍या सो़न्‍पो ॱलाङी धेनी ताम्‍शाङगो उटेक्‍याला स्‍येदुक।

लुका 7:22 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

लुका 4:18

“चोवोगी थुक्‍ङी ङी खाला ॱने हो़तालाक, घीझ्‍येरी ॱनाना उटेक्‍याला ताम्‍शाङ स्‍येयेला, खोङबागी ङाला दामा जेपालाक। धेनी चो़न्‍पाक्‍याला राङवाङगी लो़न सेटाक झ्‍यीये, धाङ श्‍याराक्‍याई ॱमीक थोङगीन शोये, धाङ ॱनेम्‍दी धेताक्‍याला राङवाङ ॱनाङये,

लुका 7:21

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक।

लुका 7:23

ङाला तेरी धेपाने मेलोक्‍कीनक्‍या झ्‍यीलाप क्षे हीन।”

योहान्‍ना 1:46

नाथानेलगी खोला ॱनेवालाक, “नाजारेतने शाङपो घीया झ्‍युङ थुक्‍कीले?” फीलीपगी खोला, “ख्‍यो़राङ राङ होरी तो़।” ॱनेरी ॱनेवालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

जेपा 8:7

ॱनो़पा जुजा मीक्‍याने ॱनो़पाक्‍या ॱमीच्‍यी फेरा ग्‍याप्‍ती थो़न्‍बालाक धेनी शा फोक्‍पा धाङ श्‍याक्‍योवाक्‍या चो़गा झ्‍युवालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।