लुका 7:16 - ॱलोवा

¹⁶ धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

लुका 7:16 Iomraidhean Croise

मेथा 15:31

धेनी मीछोकक्‍याई घोवा-घुमाक्‍या लाब ताङगीन, खोङपोक्‍या ढाक्‍कीन, श्‍याक्‍योवाक्‍या ग्‍युक्‍कीन धाङ श्‍याराक्‍या थोङगीन थोरी ॱमीच्‍यीकी याम्‍सावालाक। धेनी खुङक्‍याई ईस्‍राएलगी को़न्‍क्षोकला तो़पा पुवालाक।

मेथा 21:11

धेनी मीछोकक्‍याई ॱनेवालाक, “दे नी गालीलगी नाजारेतने हीन्‍गीन, ॱङो़नस्‍येखेन येशुगो लाक।”

मेथा 28:8

धा खुङक्‍या जीक्‍टा धाङ घाटोगी खारी, लु-लु धी़ठोने ङेनेक्‍याचारु भाङ तारी स्‍येरु सोवालाक।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

लुका 1:65

खी़ खीम्‍चे घीरीला जीक्‍टा झ्‍युवालाक। धेनी दे लाबगो युदेया रीगी यु घीरीला ढाम्‍बालाक।

लुका 1:68

“ईस्‍राएलगी चोवो को़न्‍क्षोकला तो़टा हुङास्‍योक, घीझ्‍येरी ॱनाना खोङबा राङगी मीक्‍याचारु फेप्‍दुक धेनी खुङक्‍याला थारपा ॱनाङदुक।

लुका 19:44

धेनी खुङक्‍याई ख्‍यो़ धाङ ख्‍यी़ टुवाक्‍याला साला दाप्‍कीलाक। खुङक्‍याई धोगोङ च्‍यीकगी खाला श्‍येम्‍मा धोगोङ च्‍यीया ल्‍हाक्‍तु च्‍युक्‍कीमालाक घीझ्‍येरी ॱनाना ख्‍यी़ को़न्‍क्षोक फेप्‍कीन धी़गो ङो ॱमास्‍येवालाक।”

लुका 2:20

धेनी नाम्‍खे भाङछेनगी सुङगीन च्‍योक्‍रे, झीउक्‍याई घोर धेनी थोङ झ्‍येरी, खुङक्‍या को़न्‍क्षोकला शीजे धाङ तो़टा पुली-पुली लोक्‍पालाक।

लुका 24:19

खोङबागी, “घीन्‍गी कोरला?” सुरी ढीवा जेपालाक। धेनी खुङ ॱङीउगी ॱनेवालाक, “नाजारेतगी येशुगी कोरला। खोङबा को़न्‍क्षोक धाङ मी घीरीगी दोङदु छीक धाङ क्षाक्‍लेला नी़थु क्षेन्‍बो हो़गीन, ॱङो़नस्‍येखेन च्‍यीक लाक।

लुका 5:26

धेनी खुङक्‍या घीरी ॱमीच्‍यीकी ॱहालेरी जीक्‍टागी खावालाक। धेनी को़न्‍क्षोकला तो़टा पुरी ॱनेवालाक, “धीरीङ हीकी ॱमीच्‍यीकी ॱहाङसागीन लेगा थोजुङ।”

लुका 5:8

दे थोरी सीमोन पेटो येशुगी दोङला पीमु चुक्‍ती श्‍यी़वालाक, “चोवो, ङा मी धीक्‍चेन च्‍यीक हीन। ङाने ॱहाला फेप्‍रोनाङ।”

लुका 7:15

धेनी स्‍यीम्‍बुगो लारी लाब तावालाक। धेनी येशुगी खोला खोरी आमाला ची ग्‍याप जेपालाक।

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

लुका 8:37

धेनी गेरासेनेगी ॱये-ॱयो़नगी यु घीरीगी मीक्‍याई, येशुला खोराङक्‍याई युने लोक्‍ती फेवा जे ॱनेरी श्‍योवा पुवालाक घीझ्‍येरी ॱनाना खुङक्‍या ॱमीच्‍यीकी जीक्‍पालाक। होझ्‍येरी येशु डुला श्‍यो़न्‍दी लोक्‍ती फेप्‍पालाक।

लुका 9:19

खुङक्‍याई ॱनेवालाक, “मी रीङगागी ठी़सो़खेन योहान्‍ना धेनी रीङगागी एलीया धाङ श्‍येम्‍माक्‍याई एम्‍मागी ॱङो़नस्‍येखेनक्‍याने च्‍यीक याङ सो़न्‍पो श्‍याङदुक ॱनेरी ॱनी।”

योहान्‍ना 1:21

धेनी खुङक्‍याई खोला, “ॱहाना ख्‍यो़ सुले? ख्‍यो़ एलीया हीने?” ॱनेरी ढीवालाक। खी़, “ङा मेन।” ॱनेरी ॱनेवालाक। “हीकी रेवा झ्‍येजा ॱङो़नस्‍येखेनगो ख्‍यो़ हीने?” खी़, “ङा मेन।” ॱनेरी लेन ग्‍याप्‍पालाक।

योहान्‍ना 1:25

धेनी खुङक्‍याई योहान्‍नाला ढीवालाक, “धा ख्‍यो़ मास्‍यीकागोवा मेन, एलीयागोवा मेन धेनी होदे ॱङो़नस्‍येखेनगोवा मेन्‍ना, घीझ्‍येरी ठी़सो़ तेराले?”

योहान्‍ना 4:19

होदे केमीगी खोङबाला श्‍यी़वालाक, “ॱलोपो़न ला, खेराङ ॱङो़नस्‍येखेन च्‍यीक हीन्‍गीनगो ङी स्‍येजुङ।

योहान्‍ना 6:14

मीक्‍याई खोङबागी जेजा ताकगो थोरी ॱनेवालाक, “जीक्‍तेनदु फेप्‍कुलाक ॱनागीन ॱङो़नस्‍येखेनगो, खोङबाराङ हीन्‍दाराक।”

योहान्‍ना 9:17

होझ्‍येरी खुङक्‍याई धाब्‍ले होदे श्‍यारागोला ढीवालाक, “होदे मीगी ख्‍यी़ ॱमीक सो़री, धा ख्‍यो़ खी़ कोरला घी सामी हो़तो?” खी़ ॱनेवालाक, “खोङ ॱङो़नस्‍येखेन च्‍यीक लाक।”

जेपा 5:5

होदे लाब ङेन्‍लुङ मेताला, आनानीया साला गेरी धेनी खी़ उप छेपालाक। दे लाब ङेन्‍गीन घीरी ॱमीच्‍यीकी जीक्‍पालाक।

जेपा 7:37

‘को़न्‍क्षोकगी खेक्‍याई क्षीला, खेक्‍या नाङने ङा च्‍योक्‍रे ॱङो़नस्‍येखेन च्‍यीक दाम्‍गीलाक।’ ॱनेरी ईस्‍राएल्‍पा मीक्‍याला ॱनागीन मीगो मोशेराङ लाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।