लुका 7:13 - ॱलोवा

¹³ धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

लुका 7:13 Iomraidhean Croise

मारकु 8:2

“दे मीक्‍या ङीमुला धेदी श्‍याक्‍मो सुम डी़। धा शायेला घीया मेता, ङा खुङक्‍याला ॱङीङ झ्‍येली।

लुका 10:1

होदे स्‍याम्‍ने, चोवोगी श्‍येम्‍मा मी धी़न्‍चु धो़न्‍ङीला दामा जेपालाक धेनी खुङक्‍याला मी ॱङी-ॱङी झ्‍येरी, खोङबाराङ फेप्‍ये जेगीन ग्‍याजा धाङ यु घीरीला खोङबागी एन्‍ला झावालाक।

लुका 11:1

श्‍याक्‍मो च्‍यीक, येशु साज्‍या च्‍यीकदु सोवा धेवी हो़तालाक। खोङबागी सोवा धेप सारती, ङेनेक्‍याने च्‍यीकगी खोङबाला श्‍यी़वालाक, “चोवो, ठी़सो़खेन योहान्‍नागी खोरी ङेनेक्‍याला ॱलाप्‍कीन च्‍योक्‍रे, हेक्‍यालाः सोवा धेप्‍येला ॱलाप्‍रोजे।”

लुका 11:39

हीना चोवोगी खोला सुवालाक, “ख्‍ये फारुसीपाक्‍या फोरा धाङ देरमागी फी च्‍यीगा चाङमा शोवालाक हीना नाङगो ठादोक धाङ ङेन्‍पागी खारी धे हो़तालाक।

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 13:15

हीना चोवोगी कालेन ॱनावालाक, “खे शोक्‍पोक्‍याओ, ङासुगीन ङीमाला खेक्‍या खेरी ॱलुङ याङना भुङगुक्‍याई थाक्‍पा टोरी, क्षु ॱली़दु ठीक्‍ती मेडोवाले?

लुका 17:5

धेनी कुछापक्‍याई चोवोला श्‍यी़वालाक, “हीकी धेपा दे फेरु च्‍युक्‍वा जे।”

लुका 17:6

धेनी चोवोगी सुवालाक, “खेक्‍याला छुकगी ढीउ चो़ धेपा तीते च्‍यीक हो़ना, खेक्‍याई दे होशेगी दोङबोला ‘खेरी चावाने घोक्‍ते ग्‍याछो नाङदु च्‍युक’ ॱनेरी ॱनाना होदेगी ख्‍यी़ खाला ङेन्‍गीलाक।”

लुका 18:6

धेनी येशुगी सुवालाक, “ठीम्‍पो़न मेढाङा दी ॱनागीन दे ङेन।

लुका 19:8

हीना जाखाया लारी चोवोला श्‍यी़वालाक, “चोवो शीक्‍रोनाङ, ङा ङारी ग्‍युनोरने फेक उटेक्‍याला झ्‍यीम्‍बा ताङयेहीन धेनी मीक्‍याने गो कोरती ग्‍यु ॱली़ हो़ना, ङा होदेगी दाप श्‍यी ॱलोक्‍येहीन।”

लुका 22:61

धेनी चोवोगी श्‍याल ग्‍युरती पेटोला शीक्‍पालाक। “धीरीङ झ्‍याके ग्‍याप्‍ये एन्‍ला, ख्‍यी़ ङाला लेमु सुम खे मेलेन्‍गीलाक” ॱनेरी चोवोगी सुङगीनगो खी़ ढेन्‍बालाक।

लुका 24:3

हीना नाङदु जुली घाङला, खुङक्‍याई चोवो येशुगी कुफुङगो ॱमाङेबालाक।

लुका 24:34

ॱनेवालाक, “चोवो धेन्‍पाराङ ॱलार सो़न्‍पो श्‍येङदुक धेनी सीमोनलाः ज्‍यावालाक।”

लुका 7:12

खोङबा होदे युगी घोई भोलोक्‍तु फेई घाङला, युक्‍जामा च्‍यीकगी भीजा च्‍यीगारागी़ फुङबुगो खेरती डी़ हो़तालाक। होदे युगी मीछोक क्षे च्‍यीक मी़मुला हो़तालाक।

लुका 7:14

धेनी खोङबा भोलोक्‍तु फेप्‍ती फुङबु हो़गीन, ख्‍योकस्‍यीङला ज्‍युवा जेपालाक धेनी फुङबु खेरकीनक्‍या घुक्‍पालाक। धेनी खोङबागी सुवालाक, “ख्‍योक्‍तोङ ख्‍यो़, ङा ख्‍यो़ला लोङ ॱनाहीन।”

लुका 7:19

चोवोचारु देरे ॱनेरी झावालाक, “फेप्‍कुलाक ॱनागीनगो, खेराङ राङ हीने याङमेना हे श्‍येम्‍मा च्‍यीकला घुक्‍की़?”

लुका 8:52

मी घीरी ङुता ग्‍याप्‍ती मी़ क्षीला दुक ॱरुङी हो़तालाक हीना खोङबागी सुवालाक, “माङु, मो ॱमास्‍यी हो़तालाक हीना मो ङ्यारी धे हो़तालाक।”

योहान्‍ना 11:2

चोवोगी श्‍यापला पो़क्षु ॱलुक्‍ती, राङगी टागी फीगीन मीरीयामगो मोराङ लाक। मी़ नो लाजार नेपा हो़तालाक।

योहान्‍ना 11:3

धा ईजी ॱङीउगी, येशुला देरे लो़न कुरपालाक, “चोवो, खेराङगी चेवा झ्‍यीगीनगो नेपा दुक।”

योहान्‍ना 20:13

खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

योहान्‍ना 20:15

येशुगी मोला सुवालाक, “भोमो, ख्‍यो़ घीझ्‍येरी ङुवा? ख्‍यो़ सुला चाला?” मी़ खोङबाला दुम्‍रा ॱरुङगीन लाक साम्‍दी श्‍यी़वालाक, “आज्‍यो, खेराङगी खोङबाला खेर हो़ना, खोङला घारु श्‍याक हो़तो ङाला ॱनारो झ्‍यी। धेनी ङा खोङला ॱहाला खेरयेहीन।”

योहान्‍ना 4:1

धा योहान्‍नालेः येशुगी ङेने माङा शोगीन धाङ ठी़सो़ ॱनाङगीनगो, फारुसीपाक्‍याई घोरदुक ॱनेरी, येशुगी खेन्‍दा जेपालाक।

योहान्‍ना 6:23

धेनी चोवोगी थुक्‍जेक्षे श्‍यी़री, खुङक्‍याई ग्‍याङगा शागीन साजागी डामदु, तीबेरीयासने डु श्‍येम्‍माक्‍या होवालाक।

१ कोरीन्‍थुपा 7:30

दुक ॱरुङगीनक्‍या दुक ॱमीरुङगीनक्‍या च्‍योक्‍रे, ङ्यामो ताङगीनक्‍या ङ्यामो ॱमेताङगीनक्‍या च्‍योक्‍रे धेनी च्‍यालाक ङ्योगीनक्‍या राङला घीया मेगीन च्‍योक्‍रे,

१ थेसालोनीकेपा 4:13

हीना पी़न्‍दाक्‍याओ, रेवा मेगीन मी श्‍येम्‍माक्‍या च्‍योक्‍रे दुङा माझ्‍यीवास्‍योक ॱनेरी मास्‍यीकावा रे ढोङना, होदेगी कोरला खेक्‍याला धेन्‍पा झ्‍येरी स्‍येयेला हेक्‍याई दो़पा हो़क।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।

ईब्‍रीपा 4:15

घीझ्‍येरी ॱनाना होरी थापक्‍योवागोला ॱङीङजे जे ॱमीथुप्‍कीन, चो क्षो़पो़न होराङला मेतालाक। होराङ च्‍योक्‍रे दो़न घीरीला छो़ताला छी़दीयाः, खोङबागी धीक्‍पा च्‍यीया ॱमाझ्‍येवालाक।