लुका 6:47 - ॱलोवा

⁴⁷ ङीचारु होरी ङी काला ङेन्‍दी होदे च्‍योक्‍रे झ्‍यीगीनगो, सु च्‍योक्‍रे ले ॱनेरी ङी खेक्‍याला तो़न्‍दु।

लुका 6:47 Iomraidhean Croise

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

लुका 14:26

“ङी स्‍याम्‍ला डागीन हीना राङगी आकी-आमा धाङ केमी धाङ टुवा धाङ आज्‍यो-नो याङना ईजी-नुमो धाङ राङगी ॱरोकलाः दाङा मीझ्‍यीना, खो ङी ङेने झ्‍युङ थुक्‍कीमालाक।

लुका 6:48

खो सा तीङ रीङबो ढी़री फोङगीङ खाला, खाङबागी डाम तीरी खाङबा शोगीन मी च्‍योक्‍रे लाक। धेनी क्षुलोक होरी खाङबागो तेन्‍पो शो़सा झ्‍येरी, क्षुगी श्‍युरतीया यो़ ॱमाथुक्‍पालाक।

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

लुका 8:8

धेनी रीङगा सा शाङाला थोरपालाक धेनी होदेक्‍या छारती ढेबु दाप ग्‍या केवालाक।” दे सुङसारती खोङबागी सुङकेक क्षेला सुवालाक, “आमच्‍योक हो़गीनक्‍याई ङेन्‍दी ॱहाघोरास्‍योक।”

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 13:17

खेक्‍याई देक्‍याई दो़न ॱहाघोरती, होदे च्‍योक्‍रे झ्‍यीना खेक्‍याला झ्‍यीलाप थोप्‍कीलाक।”

योहान्‍ना 14:15

“खेक्‍याई ङाला चेवा झ्‍यीना, ङी काठीमक्‍या ॱरुङगीलाक।

योहान्‍ना 5:40

हीना खेक्‍या थामेपे छेसोक थोप्‍येला ङीचारु हुङङी मेदो़दालाक।

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

याकोब 4:17

होझ्‍येरी शाङा झ्‍यीदा स्‍येरीयाः मीझ्‍यीना धीक्‍पा लाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 3:7

चेवे टुवाक्‍याओ, मी सी़या खेक्‍याला गो कोरतु ॱमाच्‍युक। खोङबा ढाङतेन हीन्‍गीन च्‍योक्‍रे, ढाङपो हीन्‍गीनगो झ्‍यीगीनराङ ढाङतेन लाक।

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।