लुका 6:37 - ॱलोवा

³⁷ “श्‍येम्‍मागी ठीम ॱमाचे धेनी ख्‍यो़ला ठीम चेगीमालाक। श्‍येम्‍माला क्‍यो़न ॱमाचुक धेनी ख्‍यो़ला क्‍यो़न चुक्‍कीमालाक। श्‍येम्‍माला घोयाङ तेर धेनी ख्‍यो़ला घोयाङ ॱनाङगीलाक।

लुका 6:37 Iomraidhean Croise

मेथा 18:30

हीना खी़ माङेन्‍बालाक धेनी खोला भुलीङ माजाङगीन थुक्‍पे, चो़न्‍खाङ नाङदु चुक्‍पालाक।

मेथा 5:7

ॱङीङजेचेनगी मीक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याला ॱङीङजे थोप्‍कीलाक।

मारकु 11:25

खेक्‍या ॱमो़लाम ग्‍याई घाङला, सी़मुला मेदो़गीन रे हो़ना, होदेला घोङपा तेर धेनी नाम्‍खे श्‍यीङखामदु श्‍युक्‍कीन याप को़न्‍क्षोकगी, खेक्‍याई धीक्‍पा सेल ॱनाङगीलाक।”

लुका 23:16

होझ्‍येरी ङा खोला ताजाक श्‍युरये क्षेपा कारी ताङयेहीन।”

लुका 6:36

खीकी याप ॱङीङजेचेन हो़गीन च्‍योक्‍रे, खेक्‍या ॱङीङजेचेन झ्‍युङ।”

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

कोलोसेपा 3:13

धेनी च्‍यीकगी च्‍यीकला शो़पा घोम्‍दी, च्‍यीकगी श्‍येम्‍माला क्‍यो़न चुक हो़ना, च्‍यीकगी च्‍यीकला घोयाङ तेरती, चोवोगी खीकी धीक्‍पा सेल्‍गीन च्‍योक्‍रे, खेक्‍यागीयाः घोयाङ तेरघो़।

याकोब 2:13

घीझ्‍येरी ॱनाना श्‍येम्‍माला ॱङीङजे मीझ्‍यीगीनला, ॱङीङजे मेगीन ठीम फोक्‍कीलाक। ठीम्‍चो़गी खाला ॱङीङजेगी ग्‍यालालाक।

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।