लुका 6:35 - ॱलोवा

³⁵ हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

लुका 6:35 Iomraidhean Croise

मेथा 5:9

थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

मारकु 5:7

धेनी केक ग्‍याप्‍ती, खी़ ॱनेवालाक, “ॱलानामेपे को़न्‍क्षोकगी से येशु, ङाला खेकी ढेवा घी हो़ताले? ङा को़न्‍क्षोकला ॱना क्‍यारी श्‍योवा पुलाहीन, ङाला दुक्‍पु ताङा माजे।”

लुका 1:32

खोङबा ॱमीच्‍यीकी खाक्‍क्षे हुङगीलाक धेनी ॱलानामेपे चोवो को़न्‍क्षोकगी से ॱनेरी श्‍यी़गीलाक। धेनी चोवो को़न्‍क्षोकगी खोङबाला खोङबागी याप दावीदगी श्‍युक्‍ठी ॱनाङगीलाक।

लुका 6:36

खीकी याप ॱङीङजेचेन हो़गीन च्‍योक्‍रे, खेक्‍या ॱङीङजेचेन झ्‍युङ।”

योहान्‍ना 13:35

खेक्‍याई च्‍यीकगी च्‍यीकला झाम्‍पा झ्‍यीना, देनेराङ खेक्‍या ङी ङेने हीन्‍गीनगो मी घीरीगी ॱहाघोरकीलाक।”

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

जेपा 14:17

खोङबागी ले शाङा झ्‍यीयेला बोर माजेपालाक। खोङबागी नाम्‍खाने क्षावा तारी धेनी धी़चो़ला लोदोक शोवा जेपालाक। शामा मेछो़ली ॱनाङदी मीक्‍याई सेम घाटोगी खाङ जेपालाक। देरे जेदी को़न्‍क्षोकगी क्षाक्‍लेक्‍याईराङ, खोङबागी पाङपो ॱनाङालाक।”

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

२ तीमोथेउ 3:2

घीझ्‍येरी ॱनाना मीक्‍या राङला क्षाक्‍कीन धाङ ॱङुला क्षाक्‍कीन, पोवा क्षे धाङ ङागेल्‍चेन, छीक चुक्‍वा ॱनागीन धाङ फामाला ॱमीचीगीन, डीन मेढेन्‍गीन धाङ क्षो़ला ॱमीचीगीन