लुका 6:30 - ॱलोवा

³⁰ ख्‍यो़ने ॱलाङगीन घीरीला तेर धेनी ख्‍यी़ च्‍यालाक खेरती डुगीनक्‍याने याङ ॱलोक ॱनेरी ॱमाना।

लुका 6:30 Iomraidhean Croise

मेथा 18:35

“देरेराङ झ्‍येरी, खेक्‍याई खेरी पी़नला सेम नाङने घोयाङ ॱमेतेरना, नाम्‍खे श्‍यीङखामदु श्‍युक्‍कीन ङी यापगीयाः खेक्‍याला देरेराङ जेगीलाक।”

मेथा 5:39

हीना ङा खेक्‍याला ॱनाहीन, मी ङेन्‍पाला दोङलेन माझ्‍यी। ख्‍यी़ डाबा ॱयेला डाम्‍चाक श्‍युरकीनगोला, डाबा श्‍येम्‍मागोवा तो़न।

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 18:22

दे सेन्‍दी येशुगी खोला सुवालाक, “ख्‍यी़ धोराङा लेगा च्‍यीक झ्‍यीयेला ल्‍हाक दुक। ख्‍यो़ला हो़गीन घीरी चोरी, उटेक्‍याला ज्‍यीम्‍बा तोङ धेनी ख्‍यो़ला नाम्‍खे ग्‍यासीदु तेर थोप्‍कीलाक। धेनी ङी स्‍याम्‍ला स्‍योक।”

लुका 6:29

ख्‍यो़री डाबा च्‍यीकला डाम्‍चाक ग्‍याप्‍कीनला, श्‍येम्‍मागोवा शे। धेनी ख्‍यो़री फीघो़ ठोक्‍कीनगोला, ख्‍यो़री घो़ गोवा खेरतु च्‍युक।

लुका 6:31

श्‍येम्‍मागी ख्‍यो़ला घारे झ्‍यीगीनगो दो़दी, होदेरेराङ खुङक्‍याला झ्‍यी।

लुका 6:38

श्‍येम्‍माला तेर धेनी ख्‍यो़ला ॱनाङगीलाक। ख्‍यो़ला छे गाङने माङा ॱनेम्‍दी धाङ टुक्‍ती धाङ खारी ली़गीन थुक्‍पे, ख्‍यो़री थुला ॱलुक्‍कीलाक। ख्‍यी़ श्‍येम्‍माला छे ग्‍याप्‍कीन च्‍योक्‍रे, ख्‍यो़ला होदे छेलाराङ ग्‍याप्‍कीलाक।”

जेपा 20:35

देरे झ्‍येरी ‘लेन्‍गीनक्‍यानेः तेरकीनक्‍याला माङा झ्‍यीलाप हो़तालाक’ ॱनेरी, चोवो येशु खोङबा राङगी सुङसा लाब देला ढेन्‍सो़ झ्‍येरी, मी क्‍योवाक्‍याला काल्‍ले झ्‍येरी रोवा झ्‍यी थुप्‍कीनगो झ्‍यीघोये लाब, दे ङी लेगा घीरीला तो़न्‍हो़क।”

२ कोरीन्‍थुपा 8:9

घीझ्‍येरी ॱनाना होरी चोवो येशु मास्‍यीकागी थुक्‍जे खेक्‍या स्‍येलालाक। खोङ क्षुक्‍पु झ्‍येरीयाः, खेक्‍याई दो़न्‍दु उटे झ्‍युवालाक। दे नी खोङ उटे झ्‍युङगीनगी थोक्‍ने, खेक्‍या क्षुक्‍पु झ्‍युङवास्‍योक ॱनेरी लाक।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।