लुका 6:27 - ॱलोवा

²⁷ “हीना ङाला ङेन्‍गीनक्‍याला ङा ॱनाहीन, खेरी डाक्‍याला चेवा झ्‍यी धेनी ख्‍यो़ला दाङा झ्‍यीगीनक्‍याला शाङा झ्‍यी।

लुका 6:27 Iomraidhean Croise

मारकु 4:24

खोङबागी खुङक्‍याला सुवालाक, “खेक्‍याई घोरकीनला दो़नाङ तेर घीझ्‍येरी ॱनाना खेक्‍याई छो़ घाङ झ्‍येरी ग्‍यावी, होदे छो़लाराङ खेक्‍याला ग्‍याप्‍कीलाक धेनी होदेला ल्‍हाक खेक्‍याला ॱनाङगीलाक।

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

लुका 8:15

धेनी सा शाङपोला थोरकीनक्‍या, काला ङेन्‍दी सेम ढाङपो धाङ शाङपो नाङदु तेन्‍पो शीमालाक। धेनी शो़पागी थोक्‍ने ढेबु तेरालाक।

लुका 8:18

होझ्‍येरी खेक्‍याई घी ङेन्‍गीनगोला, शाप-शाप झ्‍यी घीझ्‍येरी ॱनाना हो़गीनगोला ॱयोल्‍ले माङा तेरकीलाक धेनी मेगीनगोला, खोला घी हो़क ॱनेरी साम्‍गीनगोवा, खोने ठोक्‍कीलाक।”

लुका 8:8

धेनी रीङगा सा शाङाला थोरपालाक धेनी होदेक्‍या छारती ढेबु दाप ग्‍या केवालाक।” दे सुङसारती खोङबागी सुङकेक क्षेला सुवालाक, “आमच्‍योक हो़गीनक्‍याई ङेन्‍दी ॱहाघोरास्‍योक।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 16:28

हीना पाउलुगी फेरा ग्‍याप्‍ती ॱनेवालाक, “ख्‍यो़ ख्‍यो़राङला ॱमासे। हेक्‍या घीरी दुरुराङ हो़क।”

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।