25 धान्दा डागीनक्या ॱङ्याली, घीझ्येरी ॱनाना खेक्या तोक्कुलाक। धान्दा घो़मु स्योरकीनक्या ॱङ्याली, घीझ्येरी ॱनाना खेक्या धुक ॱरुङगीलाक धेनी ङुगुलाक।
“हीना को़न्क्षोकगी होदेला सुवालाक, ‘ॱलेन्पो ख्यो़! धीरीङ छेमुराङ ख्यी़ छेसोक ख्यो़ने लेन्गीलाक धेनी ख्यी़ स्याम्दी श्याकश्या ग्युक्याई दाक्पो सु झ्युङगीले?’”
खेक्याई को़न्क्षोकगी ग्यासीदु आब्राहाम धाङ ईसाक धाङ याकोब धाङ ॱङो़नस्येखेन घीरीला ज्यागीलाक हीना खेराङक्यागो फीला ॱयुक्कीनगो थोङी घाङला, होदे साजारु खेक्या ङी़री सो ढीक्ती धेगीलाक।
“हीना धान्दा क्षुक्पु हो़गीनक्या ॱङ्याली, घीझ्येरी ॱनाना खेक्याला कीदा थोप्सालाक।
धान्दा घीरीने तो़टा राक्कीनक्या ॱङ्याली, घीझ्येरी ॱनाना शोक्पो ॱङो़नस्येखेनक्याला, खुङक्याई धाङबी फामाक्याई देरेराङ झ्येवालाक।”
होदे भोमो स्यीगीनगो स्येरी, खुङक्या खोङबाला घो़ स्योरपालाक।
धेनी फेन्थोक मेगीन लाब झोराक्या धाङ क्षो मेगीनक्या याङना क्याकक्यागी लाबक्या, खीकी घुङदु मायुङ घो़ हीना को़न्क्षोकला काटीन्क्षे श्यी़घो़।
मीक्याई धी़ दे श्यीदे धाङ तेन्दा दुक ॱनी घाङला, ॱहाताक्पाला केमीगी केशुक लाङगीन च्योक्रे, खुङक्या खाला तोरक्यो़न हुङगीलाक धेनी खुङक्या घानेयाः थारकीमालाक।
खेक्या दुङा झ्यी, दुक ॱरुङ धेनी ङी़। खीकी घेमोगो ङुताला ग्युर धेनी खीकी घाटोगो दुक्पुला ग्युर।
‘ङा क्षुक्पु हो़क धेनी ङाला ग्युनोर हो़क धेनी ङाला घीया घोये मीदुक।’ ॱनेरी ख्यो़ ॱनालाक हीना ख्यो़ थापक्योवा धाङ दुक फोक्पा धाङ उटे धाङ श्यारा धाङ ॱमाराङा हो़गीनगो, ख्यो़ला स्येये मेतालाक।