लुका 6:17 - ॱलोवा

¹⁷ धेनी येशु कुछापक्‍या मुला रीने माला फेप्‍ती, खोङबा थाङगा च्‍यीकरु श्‍येङदी श्‍युक्‍पालाक। होदुरु खोङबागी स्‍याबाला डागीन, मीछोक क्षे च्‍यीक धाङ युदेया युगी सा घीरीने धाङ येरुसालेम ग्‍याजाने धाङ ग्‍याछोगी थामाला हो़गीन, ताएर धाङ सीदोन ग्‍याजाने होवा मीछोक क्षे च्‍यीक होदुरु जोम हो़तालाक।

लुका 6:17 Iomraidhean Croise

मेथा 11:21

“ख्‍ये कोराजीनक्‍या ॱङ्याली, ख्‍ये बेथसेदाक्‍या ॱङ्याली। खेक्‍याई दोङदु झ्‍युङगीन ॱहाङसागीन क्षाक्‍लेक्‍या, ताएर धाङ सीदोनदु झ्‍युहो़ना, खुङक्‍या एम्‍मानेराङ चाफे घो़न्‍दी, घोक्‍था ढी़री खोरी धीक्‍पा पारी सेम ग्‍युरहो़टु।

मेथा 12:15

येशुगी दे खेन्‍दा जेदी, खोङबा होदेने फेप्‍पालाक। धेनी मीछोक क्षे च्‍यीक खोङबागी स्‍याबाला डावालाक धेनी खोङबागी घीरीला चो़गा जेपालाक।

मेथा 14:14

खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 15:21

येशु होदे साजा भोरती, ताएर धाङ सीदोन युखाक स्‍योकला फेप्‍पालाक।

मेथा 5:1

मीछोकला शीक्‍ती, येशु रीला फेप्‍पालाक धेनी होदुरु श्‍युक्‍ती, खोङबागी ङेनेक्‍या खोङबागी डुङदु होवालाक।

लुका 5:15

हीना येशुगी कोरला लाबक्‍या साजा घीरीला धोराङा माङा ढाम्‍बालाक धेनी मीछोक क्षे च्‍यीक खोङबाने कामो़न ङेन्‍ये धाङ नाजाने ढाक्‍येला येशुचारु जोम्‍बालाक।

लुका 6:12

ङीमा च्‍यीक येशु री स्‍योकला फेप्‍ती, होदुरु छेन्‍घाङ को़न्‍क्षोकला सोवा ताप्‍ती श्‍युक्‍पालाक।

लुका 6:16

याकोबगी भीजा युदा धेनी ङोलोक झ्‍यीगीन युदा ईस्‍कारीयोत लाक।

लुका 6:18

होदे मीक्‍या खोङबागी का ङेन्‍ये धाङ राङगी नाजाक्‍याने ढाक्‍येला, खोङबागी डुङदु च्‍यारपालाक। धेनी डे जुरी दुक्‍पु झ्‍युजुवा मीक्‍या ढाक्‍पालाक।