लुका 6:13 - ॱलोवा

¹³ धेनी ॱङारोकगो खोङबागी खोरी ङेनेक्‍याला भो़या जेदी, होदेक्‍याने च्‍युङङीला दाम्‍दी, देक्‍याला कुछाप ॱनेरी मीङ ता जेपालाक।

लुका 6:13 Iomraidhean Croise

मेथा 10:2

कुछाप च्‍युङङीगी मीङ देक्‍या लाक, धाङपोगो सीमोन ॱनागीन पेटो धेनी खी़ नो आन्‍डीरीया, जेबेदीगी भीजा याकोब धाङ खी़ नो योहान्‍ना,

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 9:36

मीछोकक्‍याला शीक्‍ती, खोङबा ॱङीङजेगी खावालाक घीझ्‍येरी ॱनाना खुङक्‍या झीउ मेगीन लुकक्‍या च्‍योक्‍रे, श्‍येम्‍माने दुक्‍पु फोक्‍पा धाङ रोवा मेगीन शीक्‍पालाक।

मारकु 6:30

कुछापक्‍या येशुचारु लोक्‍पालाक धेनी खोराङक्‍याई घी झ्‍यीगीन धाङ ॱलाप्‍कीन घीरी, खोङबाला स्‍येपालाक।

मारकु 6:7

येशुगी ङेने च्‍युङङीक्‍याला खोराङचारु भो़री, ॱनो़पाक्‍या खाला आङजा ॱनारी, देक्‍याला ॱङी-ॱङी झ्‍येरी झाङयेला गो चुक्‍पालाक।

लुका 11:49

होझ्‍येरी को़न्‍क्षोकगी स्‍येरापगीयाः सुवालाक, ‘ङा खुङक्‍याचारु ॱङो़नस्‍येखेनक्‍या धाङ कुछापक्‍या झाङाहीन। खुङक्‍याने रीङगाला सेगीलाक धेनी रीङगाला दुक्‍पु तेरकीलाक।’

लुका 22:30

धेनी खेक्‍या ङी ग्‍यासीदु ङीमुला शा-थुङ झ्‍यीगीलाक धेनी श्‍युक्‍ठीक्‍याला धेदी ईस्‍राएलगी ग्‍युपा च्‍युङङीगी खाला ठीम झ्‍यीगीलाक।”

लुका 6:14

देक्‍या नी, खोङबागी पेटो ॱनेरी मीङ ताक्‍ता, सीमोन धाङ खी़ नो आन्‍डीरीया धेनी याकोब धाङ योहान्‍ना धेनी फीलीप धाङ बारथोलोमा धाङ

योहान्‍ना 4:33

होझ्‍येरी ङेनेक्‍याई च्‍यीकगी च्‍यीकला ॱनेवालाक, “खोङबाला मी च्‍यीकगी श्‍येलाक पुवा हीन्‍ढी़?”

जेपा 1:13

येरुसालेमदु ॱलेप्‍ती, खुङक्‍या खोराङ धेजा खाङबागी थोयोकगी खाङजुङला सोरी जोम्‍बालाक। होदुरु जोम्‍गीनक्‍या पेटो धाङ योहान्‍ना धाङ याकोब धाङ आन्‍डीरीया धाङ फीलीप धाङ थोमा धाङ बारथोलोमा धाङ मेथा धाङ आल्‍फायुगी भीजा, याकोब धाङ सीमोन ग्‍याल्‍चेपा धाङ याकोबगी भीजा युदा हो़तालाक।

एफीसुपा 2:20

दे नाङमीगी ॱमाङस्‍यीगो कुछापक्‍या धाङ ॱङो़नस्‍येखेनक्‍याई, खाला चीक हो़तालाक धेनी मास्‍यीका येशु खोङबाराङगो चो शुरधोगो लाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

२ पेटो 3:2

धाम्‍पे ॱङो़नस्‍येखेनक्‍याई एम्‍मा ॱनाङना ॱङो़नस्‍येक्‍या धाङ होरी चोवो धाङ क्‍याम्‍गो़नगी कुछापक्‍याई थोक्‍ने ॱनाङना काक्‍या, खेक्‍याई ढेन्‍सो़ झ्‍यीगीनगो ङा दो़दीहो़क।

ॱङो़न्‍पा 12:1

नाम्‍खे श्‍यीङखामदु ॱहाङसागीन ताक च्‍यीक, ङी थोजुङ। भोमो च्‍यीक ली़ला ङीमा घो़न्‍गा धाङ काङबी होकला दावा धाङ गोवाला कारमा च्‍युङङीगी चो़पेन घो़न्‍गा च्‍यीक दुक।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”

ॱङो़न्‍पा 21:14

होदे ग्‍याजागी च्‍यारीगोला ॱमाङस्‍यी च्‍युङङी हो़तालाक धेनी होदे ॱमाङस्‍यी खाला लुक्‍टुगी, कुछाप च्‍युङङीक्‍याई मीङ ढीक हो़तालाक।