38 हीना घुन्क्षाङ साबागो पीखु साबा नाङदुराङ ॱलुक घोगुलाक।
“याङ पीखु ॱङीङबा नाङदु घुन्डुमगी छ्याङ साबा ॱमीलुवालाक। ॱलुक्ना, पीखुगो रारी छ्याङगो भो़गीलाक धेनी पीखुगो नोगीलाक। हीना छ्याङ साबागो पीखु साबा नाङदु ॱलुक्वालाक धेनी ॱङीगारा मेनोगीलाक।”
धेनी सी़या घुन्क्षाङ साबागो, पीखु ॱङीङबा नाङदु ॱमीलुक्कीलाक। हीना ॱलुक्ना, पीखु रारी क्षाङगो भो़गीलाक धेनी पीखुगोवाः नोगीलाक।
धेनी घुन्क्षाङ ॱङीङबागो थुरी सी़या, घुन्क्षाङ साबागो थुङये दो़पा मीझ्यीगीलाक घीझ्येरी ॱनाना ‘ॱङीङबागो राङ घा दुक’ ॱनेरी खुङक्याई ॱनागीलाक।”
होझ्येरी मास्यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्दुक।
घीझ्येरी ॱनाना हेक्याई खोकला मास्यीकावा शोक्पो रीङगा सारी जुरी, मास्यीकाने होराङला हो़गीन राङवाङगोला सोवा ग्याप्तु होरी, होराङला क्षो़ठीमगी वाङला स्योरतु च्युक्ये थापस्यी झ्यीदीक।
घीझ्येरी ॱनाना ली़गी ली़चेल ज्योङदारगी तीते च्यीगा फेन थोवालाक हीना क्षो़सेम दे घीरीगी थोकला फेन थोवालाक। घीझ्येरी ॱनाना देगी धान्दागी छे धाङ छीमागी छे ॱङीगाराला, फेन्दोकगी धाम्चा ॱनाङालाक।
श्युक्ठीदु श्युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्या ढीक घीझ्येरी ॱनाना दे लाबक्या ॱलो काथुक्वा धाङ धेन्पा दुक।”
