लुका 5:35 - ॱलोवा

³⁵ हीना माक्‍पागो खुङक्‍याने खा टागीन धी़गो ॱलेप्‍कीलाक धेनी होदे धी़ला, खुङक्‍या ॱङ्युङने ॱरुङगीलाक।”

लुका 5:35 Iomraidhean Croise

मेथा 9:15

धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

मारकु 2:20

हीना माक्‍पा खुङक्‍याने खा टारी ठीक्‍कीन धी़चो़ च्‍यीक हुङगीलाक धेनी होदे ङीमागो खुङक्‍या ॱङ्युङनेला श्‍युक्‍कीलाक।

लुका 17:22

खोङबागी ङेनेक्‍याला सुवालाक, “खेक्‍याई मी-भुगी ङीमाक्‍याने च्‍यीक थोङयेगी दो़पा झ्‍यीगीन धी़चो़गो हुङी हो़तालाक। हीना खीकी थोङगीमालाक।

लुका 5:34

धेनी येशुगी खुङक्‍याला सुवालाक, “ॱनामा लेन्‍जारु माक्‍पा खुङक्‍यामुला हो़ती घाङला, डो़न्‍बोक्‍याला खेक्‍या ॱङ्युङने ॱरुङदु च्‍युक थुक्‍कीले?

लुका 5:36

धेनी येशुगी खुङक्‍याला याङ पे च्‍यीक सुवालाक, “सी़या घोलाक साबा रारी, ॱङीङबा घोलाकला ल्‍हेम्‍बा मेग्‍यालाक। हुरे झ्‍यीना, खी़ घोलाक साबागो रागीलाक धेनी साबा ल्‍हेम्‍बा ॱङीङबाला ॱमीथी़न्‍गीलाक।

योहान्‍ना 12:8

घीझ्‍येरी ॱनाना उटेक्‍या च्‍योई, खेक्‍यामुला हुङगीलाक हीना ङा खीकीमुला च्‍योई हुङगीमालाक।”

योहान्‍ना 13:33

टुवाक्‍याओ, धोराङा धी़ तुङ-तुङ च्‍यीक, ङा खीकीमुला हो़क। खेक्‍याई ङाला चागीलाक हीना ङी एन्‍ला याहुदापा पो़न्‍पोक्‍याला स्‍येगीनगो धान्‍दा ङा खेक्‍याला ॱनाहीन, ‘ङा डोजारु खेक्‍या हुङ ॱमीथुक्‍कीलाक।’

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

जेपा 1:9

हो़जो़ सुङा जेदी होदेक्‍याई तेरी धेदाराङ, येशु ॱनाम स्‍योकला खेरा जेपालाक। धेनी खोङबाला ॱरीङबागी काप्‍ती, खोङबा होदेक्‍याई थोङसाने ये जेपालाक।

जेपा 14:23

खुङक्‍याई क्षो़छोक घीरीला गोठीक्‍या को़वालाक धेनी ॱङ्युङनेला श्‍युक्‍ती सोवा ग्‍याप्‍ती, होदे ङेनेक्‍याला, खोरी धेपा झ्‍येजा चोवोगी क्षाकला पुवालाक।

जेपा 3:21

हीना एम्‍माने हाला धाम्‍पा ॱङो़नस्‍येखेनक्‍याई सुङगीन च्‍योक्‍रे, को़न्‍क्षोकने घीरी साबा जेगीन धी़चो़ मायोङ थुक्‍पे, येशु नाम्‍खे श्‍यीङखामदु राङ श्‍युक घोगीलाक।

१ कोरीन्‍थुपा 7:5

ॱमो़लामगी क्षीदु धी़चो़ क्‍यायेला धी़ तीते धाङ च्‍यीकगी च्‍यीकला ढो़ झ्‍येरी माना, ख्‍योवा केमी ॱङीगारागी मुला क्षाम्‍येला च्‍यीकगी च्‍यीकला ॱमाकाक। धेनी खेक्‍याराङ छो़ शीम्‍येला क्‍योवा झ्‍युरी, धी़ सातानगी खेक्‍याला ॱली़रु ॱमीच्‍युक्‍येगी क्षीला, याङ मुला क्षाम्‍घो़।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।