लुका 5:33 - ॱलोवा

³³ खुङक्‍याई येशुला श्‍यी़वालाक, “योहान्‍नागी ङेनेक्‍या ॱङ्युङने श्‍युक्‍ती सोवा ग्‍याई। धेनी फारुसीपागी ङेनेक्‍याः देरेराङ झ्‍यीदी हीना खेराङगी ङेनेक्‍या शा-थुङ झ्‍यीदी।”

लुका 5:33 Iomraidhean Croise

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मारकु 12:40

खुङक्‍या युक्‍जामाक्‍याई खाङबा तोङबा तो़न्‍दी, मीला तो़न्‍येगी क्षीला ॱमीच्‍यीकी ॱमो़लाम रीङा ग्‍यावालाक। देरेक्‍याला ॱयोल्‍ले क्षे क्षेपा फोक्‍कीलाक।”

लुका 11:1

श्‍याक्‍मो च्‍यीक, येशु साज्‍या च्‍यीकदु सोवा धेवी हो़तालाक। खोङबागी सोवा धेप सारती, ङेनेक्‍याने च्‍यीकगी खोङबाला श्‍यी़वालाक, “चोवो, ठी़सो़खेन योहान्‍नागी खोरी ङेनेक्‍याला ॱलाप्‍कीन च्‍योक्‍रे, हेक्‍यालाः सोवा धेप्‍येला ॱलाप्‍रोजे।”

लुका 18:12

ङा धी़न्‍डाला थेङमा ॱङी ॱङ्युङने ॱरुङीहो़क धेनी ङाला हो़गीन घीरीगी ग्‍याजा च्‍यु खेराङला पुलीहो़क।’

लुका 2:37

धेनी मो लो ग्‍याच्‍यु ग्‍येवी ॱलेप्‍कीन थुक्‍पे, युक्‍जामा झ्‍युवालाक। मो क्षो़खाङ भोरती ॱनामाला ॱमासोवालाक हीना ॱङ्युङनेला श्‍युक्‍ती, सोवा ग्‍याप्‍ती ङीन्‍घाङ-छेन्‍घाङ को़न्‍क्षोकला क्षाक्‍क्षो़पा पुरी धेतालाक।

लुका 20:47

धेनी खुङक्‍या युक्‍जामाक्‍याई खाङबा ठोक्‍वालाक धेनी मीला तो़न्‍येला सोवा रीङा ग्‍यालाक। खुङक्‍याला क्षेपा छाप्‍क्षे फोक्‍कीलाक।”

लुका 5:32

धेनी ङा ढाङतेनक्‍याला मेन्‍दा, धीक्‍चेनक्‍याला राङगी धीक्‍पा पारी सेम ग्‍युरयेला भो़रु होवाहीन।”

लुका 5:34

धेनी येशुगी खुङक्‍याला सुवालाक, “ॱनामा लेन्‍जारु माक्‍पा खुङक्‍यामुला हो़ती घाङला, डो़न्‍बोक्‍याला खेक्‍या ॱङ्युङने ॱरुङदु च्‍युक थुक्‍कीले?

योहान्‍ना 1:35

ङीमा स्‍याम्‍मागो, योहान्‍ना खोरी ङेने ॱङीमुला लारी धे हो़तालाक,

योहान्‍ना 3:25

धा चाङमा झ्‍यीगीन ॱरोगी कोरला योहान्‍नागी ङेनेक्‍याने, रीङगा धाङ याहुदापा च्‍यीकगी घुङला ढो़लीङ स्‍योरपालाक।

जेपा 9:11

चोवोगी खोला सुवालाक, “लोङ धेनी खाप्‍ते ॱनागीन ॱराङगाकने सोरी, युदागी खाङबारु टारसो ग्‍याखापगी साउलला चो। खो सोवा ग्‍याप्‍ती धे हो़तालाक।