लुका 5:30 - ॱलोवा

³⁰ धेनी फारुसीपाक्‍या धाङ खुङक्‍याई छोखाकगी क्षो़ठीमगी ॱलोपो़नक्‍या, येशुगी ङेनेक्‍याला देरे ॱनेरी ॱङेतोक स्‍येपालाक, “ठा धुगीनक्‍या धाङ धीक्‍चेनक्‍यामुला खेक्‍या घीझ्‍येरी शा-थुङ झ्‍यीदाले?”

लुका 5:30 Iomraidhean Croise

मेथा 5:46

राङला चेवा झ्‍यीगीनला च्‍यीगा चेवा झ्‍यीना, ख्‍यो़ला ज्‍यागा घी थोप्‍कीलाक से? ठा धुगीनक्‍याः देरेराङ मीझ्‍यीदाई?

मेथा 9:11

धेनी फारुसीपाक्‍याई दे थोरी, खोङबागी ङेनेक्‍याला ॱनेवालाक, “खेक्‍याई घेगेन घीझ्‍येरी ठा धुगीनक्‍या धाङ धीक्‍चेन श्‍येम्‍माक्‍यामुला शामा शाले?”

मारकु 2:16

येशु धीक्‍चेनक्‍या धाङ ठा धुगीनक्‍यामुला श्‍येलाक श्‍येगीनगो, फारुसीपा छोक्‍पागी क्षो़ठीमगी ॱलोपो़नक्‍याई थोरी, येशुगी ङेनेक्‍याला ढीवालाक, “खो घीझ्‍येरी धीक्‍चेनक्‍या धाङ ठा धुगीनक्‍यामुला शामा शाले?”

मारकु 7:3

धाङबी फामाक्‍याई लुक्‍सो़ला चीरी, फारुसीपाक्‍या धाङ याहुदापाक्‍या घीरी लाक्‍पा ठी़री माना शामा मेशालाक

मारकु 9:16

येशुगी ङेनेक्‍याला ढीवा ताङा जेपालाक, “खेक्‍या खुङक्‍यामुला घी कोरला चो़ ग्‍या?”

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 19:7

दे थोरी मीक्‍या घीरीगी फाक्‍तुङ दुरी ॱनेवालाक, “खोङबा मी धीक्‍चेन च्‍यीकगी नाङदु डो़नला फेई।”

लुका 5:17

श्‍याक्‍मो च्‍यीक येशु क्षो़ तो़न जेदी घाङला, फारुसीपाक्‍या धाङ क्षो़ठीमगी ॱलोपो़नक्‍या होदुरु धे हो़तालाक। खुङक्‍या गालील यु घीरीने धाङ युदेया धाङ येरुसालेम ग्‍याजाने होवालाक। धा ढाक्‍सो़ ॱनाङयेला को़न्‍क्षोकगी नी़थु येशुमुला हो़तालाक।

लुका 5:21

धेनी क्षो़ठीमगी ॱलोपो़नक्‍या धाङ फारुसीपाक्‍याई देरे ढीवा गो चुक्‍पालाक, “को़न्‍क्षोकला कुरवा धेप्‍कीन दे सुले? को़न्‍क्षोक च्‍यीगागी माना, सी़ धीक्‍पा से थुप्‍कीले?”

लुका 7:34

मी-भु शा-थुङ झ्‍येरी होवालाक धेनी खेक्‍याई खोला, ‘खोला तो़दाङ, फोक्‍चाङा, क्षाङदुवा ठा धुगीनक्‍या धाङ धीक्‍चेनक्‍याई रोवा!’ ॱनेरी ॱनेवालाक।

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

जेपा 23:9

होझ्‍येरी होदुरु ॱमीच्‍यीकी क्षे फेरा झ्‍युवालक। धेनी फारुसीपागी खोक्‍ने क्षो़ठीमगी ॱलोपो़न रीङगा लारी, सादुकीपाक्‍याला ॱमेटा पाप्‍ती ॱनेवालाक, “हेक्‍याई दे मी देगी नोन्‍डु घीन्‍दा ॱमेथोङा। दे मीला सेम्‍ङी याङमेना नाम्‍खे भाङछेनगी लाब ताङा मेन्‍डी़?”