लुका 5:24 - ॱलोवा

²⁴ हीना दे जीक्‍तेनदु मी-भुला धीक्‍पा सेयेगी आङजा हो़तालाक ॱनेरी खेक्‍या स्‍येलाझ्‍यी।” धेनी येशुगी होदे शा फोक्‍पा मीला सुवालाक, “ङा ख्‍यो़ला ॱनाहीन लोङ धेनी ख्‍यो़री ङ्याजे खुरती खीमला सोङ।”

लुका 5:24 Iomraidhean Croise

मेथा 16:13

धा येशु केसारया फीलीप्‍पीगी युदु फेप्‍ती, खोङबागी ङेनेक्‍याला ढीवालाक, “मीक्‍याई मी-भु सु लाक ॱनेरी ॱनीओ?”

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मेथा 9:6

हीना मी-भुला जीक्‍तेनदु धीक्‍पा सेल्‍येगी आङजा हो़तालाक ॱनेरी, खेक्‍याई स्‍येलाझ्‍यी।” धेनी खोङबागी चाडीप हो़गीन मीगोला सुवालाक, “लोङ, धेनी राङगी ङ्याजे खेरती नाङला सोङ।”

लुका 5:13

येशुगी क्षाक क्‍याङा जेदी, खोला जुवा जेदी सुवालाक, “ङा दो़दीहो़क। ख्‍यो़ चाङमा झ्‍युङ।” धेनी लाम्‍साङ जेनेगो खोने दाक्‍पालाक।

लुका 5:18

धेनी मी रीङगागी शा फोक्‍पा मी च्‍यीकला, ङ्याजेमुलाराङ खेरती होवालाक। धेनी खुङक्‍याई खोला नाङदु खेरती, येशुगी डुङदु श्‍याक्‍ये थापस्‍यी झ्‍येवालाक।

लुका 5:23

‘ख्‍यी़ धीक्‍पा सेजु’ याङना ‘लोङला घोबा चुक’ ॱनेरी ॱनायेला घीन्‍गो ॱनाना लेल्‍हा दुओ?

लुका 7:14

धेनी खोङबा भोलोक्‍तु फेप्‍ती फुङबु हो़गीन, ख्‍योकस्‍यीङला ज्‍युवा जेपालाक धेनी फुङबु खेरकीनक्‍या घुक्‍पालाक। धेनी खोङबागी सुवालाक, “ख्‍योक्‍तोङ ख्‍यो़, ङा ख्‍यो़ला लोङ ॱनाहीन।”

लुका 8:54

हीना खोङबागी मी़ लाक्‍पाने शीम्‍दी सुवालाक, “भोमो, लोङ।”

योहान्‍ना 11:43

खोङबागी देरे सुङसारती, सुङकेक क्षेला सुवालाक, “लाजार, फीला थो़न्‍दी स्‍योक।”

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 5:27

धेनी यापगी खोङला ठीम चेयेगी आङजा ॱनाङ हो़तालाक घीझ्‍येरी ॱनाना खोङबा मी-भु लाक।

जेपा 14:10

पाउलुगी ॱमीच्‍यीकी केक क्षेला ॱनेवालाक, “ख्‍यो़री काङबा खाला टोङी लोङ।” देरे ॱनागीनगो घोरलुङ मेताला, होदे मी उक्‍कुरा लावालाक धेनी खोरी काङबा चुक्‍ती घोबा ग्‍याप्‍पालाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

जेपा 9:34

पेटोगी खोला ॱनेवालाक, “एनीया, येशु मास्‍यीकागी ख्‍यो़ला चो़गा ॱनाङगीलाक। लोङ धेनी ख्‍यो़री तेन तोब।” धेनी लाम्‍साङ खो लाङबालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।

ॱङो़न्‍पा 1:13

धाङ होदे क्‍युङक्‍याई खोकला मी-भु च्‍योक्‍रे, मी च्‍यीक श्‍याप थुक्‍पे नाशा ॱनुम्‍ना धाङ कुडाङला सेरगी कुराक ॱनुम्‍ना च्‍यीक, ङी ज्‍याजुङ।