लुका 5:20 - ॱलोवा

²⁰ धेनी येशुगी खुङक्‍याई धेपागो शीक्‍ती खोला सुवालाक, “भीजाओ, ख्‍यी़ धीक्‍पाक्‍या सेजुङ।”

लुका 5:20 Iomraidhean Croise

मेथा 9:2

धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

मेथा 9:5

‘खेरी धीक्‍पाक्‍या सेल्‍जुङ’ याङमेना ‘लोङला घोबा चुक’ ॱनेरी, घीन्‍गो ॱनाना ॱयो़ल्‍ले लेल्‍हा दुओ?

मारकु 2:5

येशुगी खुङक्‍याई धेपा शीक्‍ती, शा फोक्‍पोवा मीला सुवालाक, “भीजो, ख्‍यी़ धीक्‍पाक्‍या सेजुङ।”

लुका 7:48

धेनी खोङबागी मोला सुवालाक, “ख्‍यी़ धीक्‍पाक्‍या सेल्‍जुङ।”

योहान्‍ना 2:25

घीझ्‍येरी ॱनाना मी सेम नाङदु घी हो़गीनगो, खोङबा खेन्‍दा जेदालाक धेनी मीगी कोरला सी़या खोङबाला श्‍युघोये मेतालाक।

योहान्‍ना 5:14

स्‍याम्‍ला येशुगी खोला क्षो़खाङदु थुक्‍ती खोला सुवालाक, “तो़दाङ, ख्‍यो़ ढाक्‍सालाक। होझ्‍येरी स्‍याम्‍ला देने ल्‍हाक दुक्‍ङेल क्षे मेयोङयेला, ख्‍यो़ याङदा धीक्‍पा माझ्‍यी।”

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 14:9

पाउलु लाब ताङी घाङला खो घामोमा श्‍यीप्‍ता झ्‍येरी, ङेन्‍दी धे हो़तालाक। पाउलुगीयाः खी़ ङोरोङला घामोमा तेरी, होदे मीला खोराङ ढाक थुक्‍येगी धेपा हो़गीनगो थोवालाक।

२ कोरीन्‍थुपा 2:10

खेक्‍याई सुला घोयाङ तेरी, ङाः होदेला घोयाङ तेराहीन। धेनी लाब घारे च्‍यीक हीन्‍ना, ङी घोयाङ तेर हो़ना, होदे ङी खेक्‍याई क्षीदुराङ मास्‍यीकागी डुङदु घोयाङ तेरपी।

कोलोसेपा 3:13

धेनी च्‍यीकगी च्‍यीकला शो़पा घोम्‍दी, च्‍यीकगी श्‍येम्‍माला क्‍यो़न चुक हो़ना, च्‍यीकगी च्‍यीकला घोयाङ तेरती, चोवोगी खीकी धीक्‍पा सेल्‍गीन च्‍योक्‍रे, खेक्‍यागीयाः घोयाङ तेरघो़।

याकोब 2:18

हीना मी च्‍यीकगी, “ख्‍यो़ला धेपा हो़तालाक धेनी ङाला लेगाक्‍या हो़क।” ॱनेरी ॱनाना, लेगा मेगीन ख्‍यी़ धेपा दे ङाला तो़न धेनी ङी ङारी लेगागी थोक्‍ने, ङी धेपा ख्‍यो़ला तो़न्‍दु ॱनेरी, ङा ॱनायेहीन।